Neku 2. var konungur Egiftalands um 600 fyrir upphaf tímatals. Gríski sagnaritarinn Heródótus skrifaði um 150 árum síðar að hann hefði verið kominn mjög áleiðis með að grafa skurð frá Níl yfir í Rauðahafið um hin svonefndu Bitruvötn. Það hefði tekið fjóra daga að sigla eftir skurðinum öllum og svo breiður hefði hann verið að tvær galeiður af fullri stærð hefðu getað siglt þar hlið við hlið.
Neku virðist þó ekki hafa látið klára skurðinn því spámaður kom fram sem upplýsti að allt erfiði kóngs myndi á endanum bara koma „villimönnum“ að gagni – það er að segja útlendingum.
Þá höfðu, að sögn Heródótusar, 120 þúsund manns látið lífið við skurðgröftinn, en líklega verður að telja það nokkrar ýkjur. Þó verður að reikna með að mjög margir kunni að hafa farist. Vinnan var eflaust hræðilega erfið, enda bara grafið með skóflum og öðrum handverkfærum.
Heródótus segir líka að um það …
Athugasemdir