Víðir Reynisson, yfirlögregluþjónn hjá almannavörnum, segir að margir reyni nú að komast að mögulegu gossvæði við Keili, um afleggjarann frá Reykjanesbraut. Veginum að Keili hefur nú verið lokað.
Víðir sendi skilaboð til fólks á fundi almannavarna seinni partinn í dag.
„Okkur langar til að beina því til fólks sem er að reyna að fara á staðinn: Það er mikil umferð um Reykjanesbrautina og mikið af fólki að reyna að fara inn á afleggjarann að Keili. Við erum með dálítið af vísindafólki og öðrum að vinna á svæðinu og þurfum að fá vinnufrið fyrir það. Að auki er ekkert að sjá, það er ekki byrjað gos. Og síðan hafa það í huga að aðstæður eru þannig að það er mjög blautt og það verður mjög fljótt sem fólk getur lent í vandræðum ef það fer út fyrir veginn eða annað slíkt. Biðjum bara alla að slaka á, bíða. Við miðlum upplýsingum. …
Athugasemdir