VG eru aftur orðinn næststærsti flokkur landsins og kominn yfir Samfylkinguna á ný, samkvæmt nýrri könnun MMR.
Í síðustu könnun MMR í janúar mældist Samfylkingin með 15,6% en Vinstri grænir 10,9%, en nú er fylgi VG 13,5% og Samfylkingarinnar 13,1%.
Á sama tíma hefur stuðningur við ríkisstjórnina aukist og mælist 54,5%. Það er töluvert meira en stuðningur við síðustu fjórar ríkisstjórnir á undan.
Sjálfstæðisflokkurinn mælist enn stærstur, með stuðning 22,2%, en var með 24,4% fylgi í síðustu könnun 11. janúar og 25,2% í kosningunum 2017.
Alþingiskosningar fara fram næsta haust, 25. september.
Könnunin var framkvæmd 12. til 18. febrúar, en val uppstillingarnefndar Samfylkingarinnar á framboðslistum í Reykjavíkurkjördæmunum var hins kynnt 13. febrúar.
Könnun Gallups, sem var gerð dagana 6. til 31. janúar, sýndi Samfylkinguna með 16,6% fylgi en Vinstri græn 12,8% fylgi. Aðrar fylgistölur voru hins vegar keimlíkar.
Athugasemdir