Ellefu ára drengur fannst látinn á heimili sínu í Garðabæ á þriðjudag. Mannlíf greindi fyrst frá því í morgun. Samkvæmt heimildum Stundarinnar lést drengurinn af völdum skotsárs. Rætt hefur verið við börn í Garðabæ um að þarna hafi skelfilegt slys átt sér stað.
Málið er ekki rannsakað sem saknæmt athæfi.
Lögregla hefur ekki viljað tjá sig um málið þegar eftir því hefur verið leitað. Aðrir sem Stundin hefur rætt við og hafa komið að málinu lýsa því sem hræðilegum harmleik.
Uppfært klukkan 13:15.
Lögreglan á höfuðborgarsvæðinu sendi nú eftir hádegi frá sér eftirfarandi yfirlýsingu vegna málsins:
Vegna umfjöllunar í fjölmiðlum um andlát barns í Garðabæ á þriðjudag þá vill Lögreglan á höfuðborgarsvæðinu koma því á framfæri að um er að ræða mikinn harmleik, en ekkert bendir til þess að nokkuð saknæmt hafi átt sér stað.
Lögreglan mun ekki veita frekari upplýsingar um málið og biður jafnframt fjölmiðla um að veita aðstandendum svigrúm til að syrgja á þessum erfiðum tímum.
Athugasemdir