Uppistandshópurinn VHS frumsýndi um daginn sýningu sem talar óvart beint inn í málefni líðandi stundar. Hópurinn segir að þema sýningarinnar, VHS biðst forláts, hafi þróast úr því að vera einfalt grín um óhöpp yfir í að fjalla um innihaldslausar afsökunarbeiðnir frægs og valdamikils fólks.

„Við vorum búnir að taka eftir þó nokkrum afsökunarbeiðnum þegar við vorum að þróa hugmyndina,“ segir Stefán Ingvar Vigfússon. „Við fórum að pæla í gengisfellingu afsökunarbeiðninnar og hvernig hún er gjarnan sett fram sem hálfkák. Fólk segir „sorrí“ þegar það tekur gríðarleg feilspor, og þylur upp ákveðna athöfn. Okkur fannst fyndið að nota þessa ofur-formlegu afsökunarbeiðni fyrir minni atvik.“

Um það leyti sem VHS fór að kynna nýju sýninguna var einmitt ein slík afsökunarbeiðni í þjóðfélagsumræðunni, en það var hans Péturs Jóhanns Sigfússonar á rasískri eftirhermu sem var fest á filmu. Hann sagði að honum þætti leitt að hafa sært, að það hafi ekki verið …