Íslensk stjórnvöld hafa komist að þeirri niðurstöðu að ekki skuli taka umsókn fjölskyldu frá Íran um alþjóðlega vernd til efnislegrar meðferðar hér á landi. Fjölskyldunni hefur nú verið tilkynnt að hún verði send úr landi næstkomandi mánudag. Mál fjölskyldunnar fellur undir Dyflinnarreglugerðina, þar sem þau eru með vegabréfsáritun útgefna af portúgölskum yfirvöldum. Þarlend yfirvöld hafa samþykkt að taka við fjölskyldunni og því verður mál þeirra ekki skoðað hér. Fjölskyldan hefur hins vegar gögn sem þau telja sýna að þeim sé hætta búin í Portúgal. Íslensk stjórnvöld hafa ekki lagt mat á þau gögn. „Við erum í örvæntingarfullri leit að hjálp, en nú er okkur sagt að við þurfum að fara úr landi á mánudaginn. Jafnvel þó að við höfum sannanir um að verið sé að leita að okkur í Portúgal er ekki tekið tillit til þeirra,“ segir móðirin, Shokoufa. „Portúgölsk yfirvöld fullyrða að við verðum örugg þar en það ekki ...