Þessi grein birtist upphaflega í Stundinni fyrir meira en 4 árum.

Stundarskráin

Óráðsdraumar, drag og stóru spurningar lífsins

Tónleikar, viðburðir og sýningar 10.–23. janúar.

10. janúar 2020 · 15:00

Ritstjórn

ritstjorn@heimildin.is

Þetta og svo ótal margt fleira er á döfinni næstu tvær vikurnar.

Ljósmyndahátíð Íslands 2020

Hvar? Höfuðborgarsvæðið
Hvenær? 16.–18. janúar
Aðgangseyrir: Fer eftir viðburði

Ljósmyndahátíð Íslands hefur verið haldin annað hvert ár frá 2012. Markmið hátíðarinnar er að vinna að framþróun ljósmyndunar sem listforms, en erlendir og íslenskir listamenn og ljósmyndarar sýna verk á sex stöðum á höfuðborgarsvæðinu. Þar á meðal er tilraunakennda sýningin Afrit í Gerðarsafni sem kannar annmarka ljósmyndamiðilsins; sýningin Í ljósmálinu í Þjóðminjasafninu sýnir hvernig Gunnar heitinn Pétursson fangaði ljós og hreyfingu í myndum sínum; sýning Valdimars Thoralacius … í Ljósmyndasafni Reykjavíkur er í senn heimild um lífið í þorpinu og sjónræn túlkun af þeirri verund; í Hafnarborg nálgast þrír ljósmyndarar viðkvæma náttúru af alúð í sýningunni Þögult vor.

Meistarinn og Margaríta

Hvar? Þjóðleikhúsið
Hvenær? 10. jan.–1. feb.
Aðgangseyrir: frá 3.000 kr.

Skáldsagan Meistarinn og Margaríta er ein af ástsælustu skáldverkum 20. aldarinnar. Þessi hnyttna og beitta háðsádeila um eilífa baráttu góðs og ills og heimsókn kölska til Moskvu er vinsælt verkefni leikhúsa víða um heim og birtist hér í nýrri leikgerð sem var frumflutt á Dramaten í Svíþjóð árið 2014.

Nokkur uppáhalds verk

Hvar? Nýlistasafnið
Hvenær? 10. jan - 23. feb
Aðgangseyrir: Ókeypis!

Nýlistasafnið á stærstu safneign af sjálfstæðu söfnum eða rýmum á Íslandi, en í þessari sýningu eru valin verk sem eru í uppáhaldi safneignarfulltrúa dregin fram og stillt upp án þess að gerð sé krafa um að þau passi inn í fyrir fram valið samhengi. Það er ekki þar með sagt að þau tali ekki saman.

Krossfest I

Hvar? Andrými
Hvenær? 11. janúar kl. 19.00
Aðgangseyrir: 1.000 kr.

Tónleikaserían Krossfest er í senn upphitunar- og fjáröflunarkvöld fyrir Norðanpaunk, DIY árshátíð pönkara þar sem spiluð er erfið tónlist fyrir gott fólk. Á þessu kvöldi koma fram pönksveitin D7Y, ungu rokkararnir í Gróu sem unnu Kraumsverðlaunin 2019, bílskúrsrokkararnir í Phlegm og gjörningasveitin GÓÐxÆRI. Engum verður vísað frá vegna fjárskorts.

Mikael Lind útgáfutónleikar

Hvar? Mengi
Hvenær? 11. janúar kl. 21.00
Aðgangseyrir: 2.000 kr.

Mikael Lind hefur gefið út fjölda platna af tilraunakenndri ambient tónlist sem fer annaðhvort í áttina að hljóðheimi Warp raftónlistar eða að nútíma klassískri tónlist. Snemma á árinu 2019 skrifaði Mikael tónlist með fiðluleikaranum og tónskáldinu Hoshiko Yamane úr hljómsveitinni Tangerine Dream og afraksturinn varð platan Spaces in Between.

Drag-Súgur: Söngleikur

Hvar? Gaukurinn
Hvenær? 11. janúar kl. 21.30
Aðgangseyrir: 2.900 kr.

Dragdrottningarnar (og -konungarnir) í hópnum Drag-Súgur fagna nýju ári með sérstakri sýningu þar sem þemað er söngleikir í öllum sínum fjölbreyttu myndum. Búast má við gríni og glensi, samfélagsádeilum, metnaðarfullum tilþrifum og hugsanlega ofgnótt af gordjöss dans- og söngatriðum.

Svartir Sunnudagar: Dead Ringers

Hvar? Bíó Paradís
Hvenær? 12. janúar kl. 20.00
Aðgangseyrir: 1.600 kr.

Kanadíski leikstjórinn David Cronenberg er þekktastur fyrir súrrealískar hryllingsmyndir þar sem mörk á milli raunveruleikans og óráðsdrauma eru óskýr. Dead Ringers er einmitt slík mynd, en hún fjallar um ástarþríhyrning eineggja tvíbura og frægrar leikkonu, vímuefni, kynlíf, samskipti kynjanna, brotna sjálfsmynd og geðveiki. Myndin er innblásin af sannri sögu.

Eyður

Hvar? Þjóðleikhúsið
Hvenær? 15. & 20. janúar kl. 19.30
Aðgangseyrir: 6.200 kr.

Í Eyðum skoðar sviðslistahópurinn Marmarabörn sambandið milli eyja og minnis. Hver staður hefur minni, hvert einasta sker marglaga mörg þúsund ára sögu og líkt skerjagarðinum eru minningar okkar bara efstu lögin á djúpskornu neðansjávarlandslagi. Hvers er minnst og hverju reynum við að gleyma í sögunni um okkur?

Sinfó: Ungir einleikarar

Hvar? Harpa
Hvenær? 16. janúar kl. 19:30
Aðgangseyrir: frá 2.600 kr.

Ár hvert fer fram keppni ungra einleikara þar sem upprennandi nemendur fá að leika konsert eða syngja einsöng með Sinfóníuhljómsveit Íslands. Fjórir ungir einleikarar keppa í ár, allir á sitthvoru hljóðfæri. Stjórnandi tónleikanna er hin finnska Anna-Maria Helsing, en hún var fyrsta konan til að vera aðalstjórnandi í sinfóníuhljómsveit í Finnlandi.

Af fingrum fram: Jónas Sig

Hvar? Salurinn
Hvenær? 16. & 17. janúar kl. 20.30
Aðgangseyrir: 5.500 kr.

Fyrrum Sólstrandagæinn Jónas Sig hóf sólóferil sinn 2007, en hann hefur vakið mikla athygli fyrir beinskeytta texta og tilfinningaþrungna tónlist þar sem er fjallað á opinskáan máta um þunglyndi og áskoranir lífsins. Hann mætir í Salinn þar sem hann tekur þátt í spjalltónleikaröðinni Af fingrum fram.

Mannfjöldinn hverfur sporlaust um stund

Hvar? Hafnarhúsið
Hvenær? 16. janúar–8. mars
Aðgangseyrir: 1.840 kr.

Titill sýningarinnar dregur heiti sitt af töfrabragði David Copperfields þar sem hann lætur hóp áhorfenda hverfa fyrir augum annarra áhorfenda og birtast á ný á öðrum stað. Myndlistarkonan Una Björg Magnúsdóttir gerir ekki slíka tilraun á sýningunni en hún varpar fram hugmyndum um skynvillu og blekkingar í innsetningu sinni sem er aðlaðandi en fráhrindandi á sama tíma.

Röð og regla: Skissa að íslenskri samtímalistasögu [IV]

Hvar? Hafnarhúsið
Hvenær? 16. janúar–17. maí
Aðgangseyrir: 1.840 kr.

Þessi sýning er fjórða skissan að íslenskri samtímalistasögu sem byggist á verkum úr safneign Listasafns Reykjavíkur. Valin eru saman verk og sett í þematískt samhengi í tilraun til að endurspegla listasöguna jafnóðum, en þemað í þessari skissu er óhlutbundin myndlist, einnig þekkt sem abstraktlist, og mínimalismi.

Helgi Þór rofnar

Hvar? Borgarleikhúsið
Hvenær? 16. janúar–2. febrúar
Aðgangseyrir: Frá 3.500 kr.

Þessi leiksýning er lítið verk sem fjallar um epískar stærðir í lífinu og veltir fyrir sér spurningunni hvort hægt sé að rjúfa vítahring. Leikritið fjallar um ungan mann sem vinnur í líkbrennslu föður síns og æskufélaga sem rekur bakarí. Síðan bætist ný manneskja inn í líf hans og allt fer á hliðina.

Fjáröflunartónleikar S78: Laura Secord, Brött Brekka, BSÍ, K.óla

Hvar? Iðnó
Hvenær? 23. janúar kl. 19.30
Aðgangseyrir: 1.500 kr.

Rokksveitirnar Laura Secord og Brött Brekka eru meðal mest spennandi flytjenda landsins, en þær gáfu báðar út kynngimagnaðar plötur í fyrra og fagna þeim á þessum fjáröflunartónleikum. Auk þeirra spila líka indí-sveitin BSÍ og popparinn K.óla. Allur ágóði úr miðasölu rennur til ráðgjafarþjónustu Samtakanna ‘78, en engum verður vísað frá vegna fjárskorts.

Chromo Sapiens

Hvar? Hafnarhúsið
Hvenær? 23. janúar–22. mars
Aðgangseyrir: 1.840 kr.

Þessi innsetning eftir Hrafnhildi Arnardóttur, sem er einnig þekkt undir listamannsnafninu Shoplifter, var framlag Íslands á Feneyjatvíæringnum árið 2019. Listsköpun Hrafnhildar liggur á mörkum myndlistar, gjörninga og tísku og sækir hún áhrif frá dægurmenningu og fjöldaframleiðslu, auk alþýðulistar og handverkssögu. Tónverk eftir hljómsveitina HAM hljómar í verkinu.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Stundarskráin

Jólaóratoría, John McClane og hvítt tígrisdýr

Stundarskráin 21. desember -13. janúar.

Stundarskráin

Söngur, gleði og gaman um allt land

Stundarskráin næstu vikurnar.

Stundarskráin

Jólin, jólin, jólin koma brátt

Alls konar jólaskemmtun er í boði næstu tvær vikurnar.

Stundarskráin

Stansað, dansað, öskrað

Tónlist, dans- og leiksýningar, matur og drykkur, allt þetta og meira til má skemmta sér við næstu tvær vikurnar.

Stundarskráin

Líf í smástund

Stundarskráin 9. til 29. september 2022.

Stundarskráin

Framundan eru hamingjudagar

Stundarskráin næstu vikurnar.

Mest lesið

Fréttir

Truflaði ávarp utanríkisráðherra og krafðist svara vegna Gaza

Kona kallaði að utanríkisráðherra á ráðstefnu í morgun og spurði hvers vegna stjórnvöld hefðu ekki fordæmt árásir Ísraelshers á Gazasvæðið. Ástþór Magnússon forsetaframbjóðandi var í salnum og klappaði fyrir konunni.

FréttirPressa

Forsetaframbjóðendur mætast í Pressu

Fjórir frambjóðendur til embættis forseta Íslands mæta í beina úsendingu í Pressu á föstudag. Þátturinn verður sendur út klukkan 10.00 frá ritstjórnarskrifstofu Heimildarinnar. Katrín Jakobsdóttir, Baldur Þórhallsson, Jón Gnarr og Halla Hrund Logadóttir sitja fyrir svörum.

Fréttir

Milljarðar kvenna sem passa ekki inn í útlitsboxið

Þó svo að hættulega grannt „heróín-lúkk“ sé ekki lengur í tísku og að Bridget Jones sé ekki lengur talin feit, eru útlitskröfur til nútímakvenna enn óraunhæfar, segir prófessor í félagssálfræði. Hún er þó bjartsýn: „Ég þekki ekki dæmi um að áður hafi verið kynslóð sem er vísvitandi að berjast gegn því að fólk sé smánað út af útliti.“

Viðtal

„Við erum ekki í Amazon – við erum á Íslandi“

Stórtæk skógrækt á Íslandi gæti samkvæmt niðurstöðum nýrrar rannsóknar skilað litlum ef nokkrum ávinningi fyrir loftslagið. „Það er ekki hægt að gróðursetja bara tré og ætla þannig að redda málunum og bjarga heiminum,“ segir Pawel Wasowicz, doktor í grasafræði. Náttúran sé ekki einföld og á hana ekki hægt að leika.

Viðtal

Fiðrildi með kulnun sem lærði að hlusta á líkamann

Kara Elvarsdóttir lýsir sjálfri sér sem fiðrildi og kvíðakerlingu. Hún hefur alltaf átt erfitt með að segja nei við nýjum tækifærum sem leiddi til þess að hún fór í kulnun. Vegferðin hefur hins vegar leitt hana á betri stað og í dag leiðir hún hóp kvenna sem hreyfa sig meðvitað. En hvað er meðvituð hreyfing?

Fréttir

Samfylkingin boðar aukin auðlindagjöld og nýtingu virkjunarkosta

Samfylkingin hefur tilkynnt að hún vilji auka ársframleiðslu á raforku um 5 TWh á tíu árum, koma á almennu auðlindagjaldi og stórauka uppbyggingu innviða svo sem samgangna.

Greining

Sjálfstæðisflokkurinn mælst með minna en 20 prósent fylgi samfleytt í meira en ár

Vinstri græn hafa aldrei mælst með minna fylgi í könnun Maskínu og yrðu minnsti flokkurinn á þingi ef kosið yrði í dag, ef þau kæmust yfir höfuð inn. Samfylkingin mælist nú stærri en nokkru sinni áður á kjörtímabilinu og Miðflokkurinn er stöðugur í kjörfylgi sínu frá 2017.

Viðskipti

Vextir þriðjungs allra óverðtryggðra lána til heimila landsins losna brátt

Í nýjustu mánaðarskýrslu Húsnæðis- og mannvirkjastofnunar er sagt frá því að meirihluti eftirstandandi óverðtryggðra lána á föstum vöxtum munu koma til endurskoðunar á næstu misserum. Frá og með júlí og til og með ágúst á næsta ári munu vextir losna á óverðtryggðum lánum fyrir samanlagt 410 milljarða króna. Það er rúmlega þriðjungur af öllum óverðtryggðum lánum til heimila landsins.

Fréttir

Án endurgreiðslunnar hefði útgáfa íslenskra bóka sennilega hrunið

Salan á nýjum bókum í prentuðu formi hefur dregist mjög mikið saman og hratt. Sigþrúður Gunnarsdóttir, framkæmdastjóri Forlagsins, telur að án endurgreiðslunnar núna væri staðan skelfileg. Nýlega var tekin saman skýrsla á vegum Menningar- og viðskiptaráðuneytisins um áhrif þessara laga sem sýni ótvírætt: „að án endurgreiðslunnar hefði útgáfa íslenskra bóka sennilega hrunið.“

Fréttir

Spyr hvort tengsl flóttafólks við hryðjuverkasamtök verði rannsökuð

Þingmaður Sjálfstæðisflokks vill fá að vita hvort til standi að rannsaka bakgrunn flóttafólks út frá mögulegum tengslum við hryðjuverkasamtök. Tæpur áratugur er síðan að annar þingmaður flokksins velti fyrir sér bakgrunnsskoðun á flóttafólki og var fordæmdur fyrir af allri flokksforystunni.

Mest lesið

Mest lesið í vikunni

FréttirHjúkrunarheimilið Sóltún

Sóltún keypti jeppa fyrir forstjórann í uppsagnarhrinu

Hjúkrunarheimilið Sóltún hefur verið í hagræðingaraðgerðum og sagt upp starfsfólki á síðustu mánuðum.

FréttirLaxeldi

Ráðning stjórnanda til MAST vekur athygli: „Ég er fagmaður"

MAST tilkynnti starfsmönnum sínum um það á miðvikudaginn að búið væri að ráða Þorleif Ágústsson sem nýjan sviðsstjóra yfir meðal annars fiskeldisdeildina hjá stofnunina. Þorleifur hefur skrifað greinar þar sem hann talar fyrir laxeldi í sjókvíum. Þorleifur segist vera vísindamaður og að hann taki ekki afstöðu. Forstjóri MAST, Hrönn Jóhannesdóttir vill ekki ræða um ráðninguna þegar eftir því er leitað.

Pistill

Sif Sigmarsdóttir

Á barmi skilnaðar

Værum við sáttari við hlutskipti okkar ef við værum ekki stöðugt með fyrir augunum skíðaferðir, fermingar og berar táslur á Tene?

FréttirLaxeldi

Ríkisstjórnin vill gefa kvótann í laxeldinu um aldur og ævi

Í frumvarpi matvælaráðherra um lagareldi er kveðið á um að laxeldisfyrirtækin í landinu hafi „ótímabundin“ rekstrarleyfi til að stunda sjókvíaeldi í íslenskum fjörðum. Hingað til hafa rekstrarleyfin verið tímabundin í 16 ár. Með þessu ákvæði munu stjórnvöld á Íslandi ekki geta bannað sjókvíaeldi án þess að baka sér skaðabótaskyldu gagnvart laxeldisfyrirtækjunum.

Greining

Sleppti máltíðum til þess að komast frá Ásbrú

„Stanslaust vonleysi vaknar um leið og þú mætir,“ segir ungur venesúelskur hælisleitandi um Ásbrú. Þar hafi verið ómögulegt fyrir hann, eða nokkurn mann, að aðlagast íslensku samfélagi – sem er atriði sem stjórnmálamenn þvert á flokka hafa sagt mikilvægt. Félags- og vinnumarkaðsráðherra hefur sagst vilja fleiri búsetuúrræði á borð við Ásbrú.

Leiðari

Þórður Snær Júlíusson

Handbók um leiðir til að þykjast siðlegur ráðherra

Á Íslandi er við lýði regluverk sem á að koma í veg fyrir spillingu ráðherra og auka traust á stjórnsýslu. Nýlega var gefin út handbók með útskýringum á reglunum með raunhæfum dæmum. Raunveruleikinn sýnir hins vegar að ráðherrar láta þetta ekki hafa áhrif á hegðun sína. Reglurnar gilda bara þegar það reynir ekki á þær.

ViðskiptiKvika og Ortus

Fyrirtækið sem Kvika keypti kom að lánum til félags konu Ármanns

Breska fyrirtækið Ortus Capital, sem Ármann Þorvaldsson, núverandi forstjóri almenningshlutafélagsins Kviku, var hluthafi í var einn af lánveitendum breska kráarfyrirtækisins Red Oak Taverns, sem eiginkona Ármanns á hlut í. Þetta fyrirtæki varð síðar að Kviku Securities í Bretlandi og keypti það breskt lánafyrirtæki af viðskiptafélögum fyrir tveimur árum fyrir milljarða króna.

FréttirLaxeldi

Umsækjandi hjá MAST vill rökstuðning: „Ég er vonsvikinn“

Egill Steingrímsson dýralæknir var annar af umsækjendunum um sviðsstjórastarf hjá Matvælastofnun sem meðal annars snýst um eftirlit með laxeldi. Fiskalífeðlisfræðingurinn Þorleifur Ágústsson var ráðinn fram yfir hann og vakti ráðningin athygli innan MAST vegna jákvæðra skrifa hans um laxeldi hér á landi.

GreiningFjármálaáætlun 2025-2029

Öryrkjar borga fyrir kjarasamninga og tugir milljarða settir í borgarlínu

Ríkissjóður verður rekinn í halla í næstum áratug samfleytt áður en viðsnúningur næst. Til að fjármagna tugmilljarða króna útgjöld vegna Grindavíkur og kjarasamninga á meðal annars að fresta greiðslum til örorkulífeyriskerfisins, selja eignir fyrir tugi milljarða króna og lækka framlög í varasjóð. Framkvæmdum sem áður hefur verið frestað er frestað á ný en peningar settir í nýja þjóðarhöll og tugir milljarða króna verða tiltækir í borgarlínu og tengd verkefni. Vaxtabyrðin á ríkissjóði verður þó þung. Á næsta ári mun hann borga 121 milljarð króna í slíka.

Fréttir

Truflaði ávarp utanríkisráðherra og krafðist svara vegna Gaza

Mest lesið í mánuðinum

Viðtal

Læstur inni í íbúðinni sinni í fimmtán ár

Sveinn Bjarnason bjó í fimmtán ár í læstri íbúð á vegum Akureyrarbæjar. Hann bankaði oft ítrekað og grét áður en starfsfólk opnaði fyrir honum. Móðir hans gerði endurteknar athugasemdir við að hann væri læstur inni og segir son sinn hafa verið vanræktan. Fyrr á þessu ári greip hún til þess örþrifaráðs að flytja hann búferlum í annan landshluta til að fá mannsæmandi aðbúnað fyrir hann. Mál Sveins varpar ljósi á alvarlegar brotalamir í þjónustu við fatlað fólk á Íslandi og sýnir hvernig mannréttindi hafa verið virt að vettugi árum saman.

Viðtal

Voru orðin lífsreynd og tilbúin fyrir betra líf saman

Bárður Sigurgeirsson húðlæknir er 68 ára gamall en gleymir sér við leik og gleði, ásamt eiginkonunni Lindu Björgu Árnadóttur. Fimmtán ára aldursmunur er á þeim hjónum, sem kynntust á Tinder fyrir sjö árum síðan.

FréttirHjúkrunarheimilið Sóltún

Sóltún keypti jeppa fyrir forstjórann í uppsagnarhrinu

Hjúkrunarheimilið Sóltún hefur verið í hagræðingaraðgerðum og sagt upp starfsfólki á síðustu mánuðum.

ViðtalForsetakosningar 2024

Eina leiðin til að halda lífinu áfram var að koma út

Baldur Þórhallsson bældi niður eigin kynhneigð frá barnsaldri og fannst hann ekki geta verið hann sjálfur. Fyrir 28 árum tók hann ákvörðun um að koma út úr skápnum, það var ekki annað í boði ef hann ætlaði að halda áfram með lífið. Nú stefna þeir Felix Bergsson á Bessastaði. „Við eigum 28 ára ástríkt samband að baki og höfum ekkert að fela,“ segir Felix.

FréttirForsetakosningar 2024

Hefur gengið á eftir Ástþóri í 19 ár vegna ógreidds reiknings

Árið 2005 sendi Steinþór Grímsson athafnamanninum Ástþóri Magnússyni reikning upp á rúmar 30 þúsund krónur á þávirði. Hann hefur ekki enn fengist greiddur þrátt fyrir ítrekaðar tilraunir í áranna rás. Ástþór þvertekur fyrir að skulda manninum, sem og öðrum, nokkuð.

ViðtalForsetakosningar 2024

„Ég ætla ekki að kinka kolli framan í einhver illmenni án þess að segja neitt“

Jón Gnarr er kominn í forsetaframboð. Hann segir meiri þörf á gleði og húmor í lýðræðinu og samfélaginu þar sem offramboð sé á leiðindum og er sannfærður um að þjóðin sé að leita sér að manneskju sem hún geti séð sjálfa sig í. Jón ætlar sér að mýkja freka kallinn með kærleikann að vopni og lofar að vera hvorki ofstopamanneskja né lydda, nái hann kjöri. Svo hefur hann alltaf dreymt um að búa í Garðabæ.

Fréttir

Hjúkrunarheimilið Sóltún fékk 20 milljarða frá íslenska ríkinu

Frá árinu 2009 hefur hjúkrunarheimilið Sóltún fengið tæplega 20 milljarða króna frá íslenskra ríkinu. Um 90 prósent af tekjum Sóltúns koma frá ríkinu. Eigendurnir hafa tekið á þriðja milljarð króna út úr rekstrinum með því að selja fasteignir og lóðir og lækka hlutafé fyrirtækisins. Allur reksturinn byggir hins vegar á umdeildum samningi við íslenska ríkið sem gerður var árið 2000.

Rannsókn

Risar í landbúnaði orðnir að fríríki og geta stýrt verði eins og þeim sýnist

Lagabreyting sem var fyrir einu og hálfu ári kölluð „aðför að neytendum“ var samþykkt á Alþingi í lok síðustu viku með atkvæðum minnihluta þingmanna. Um er að ræða afnám á ólögmætu samráði stærstu landbúnaðarfyrirtækja landsins. Lagabreytingunni var laumað inn í frumvarp á lokametrum afgreiðslu þess með mikilli aðkomu þeirra sem mest græða á henni.

Fréttir

Íbúð í miðbænum gerð út fyrir 700 þúsund krónur á mánuði

Í vikunni voru fimm herbergi í íbúð í miðbænum auglýst til leigu fyrir samtals 700.000 krónur á mánuði. Mikil aðsókn hefur verið í þau að sögn leigusalans. En hann segist hafa miðað verðið við markaðinn. Formaður leigjendasamtakanna segir þetta grimmilega og miskunnarlausa sjálftöku.

Aðsent

Ole Anton Bieltvedt

Af hverju er Halla Hrund Logadóttir kjörin og rétt í forsetaembættið?

Ole Anton Bieltvedt segir að forsetinn verði að vera þjóðlegur og alþjóðlegur í senn. Umhverfis- og náttúruverndarsinni. Með tandurhreinan bakgrunn, flekklaust einkalíf, mikla og góða menntun og reynslu að sama skapi.