Auglýsingin hverfur eftir stutta stund...
Loka

Fréttir

Laumuspil vegna lífeyrisréttinda: „Ætlum að hamra á því að þetta sé hreinlega villa í lögunum“

Lögð var áhersla á að skilja ekki eftir gagnaslóð um viðbrögð innan stjórnsýslunnar við mistökum sem urðu við breytingar á almannatryggingalögum. Aðeins forstjóri Tryggingastofnunar mátti vita af málinu: „Bara SLB og biðja hana um að tala ekki um þetta út á við“.

Lagt var kapp á að halda því leyndu að ellilífeyrisþegar hefðu samkvæmt lagabókstaf öðlast réttindi upp á 2,5 milljarða í upphafi ársins vegna mistaka sem urðu við breytingar á almannatryggingalögum síðasta haust. Tölvupóstssamskipti milli starfsmanna velferðarráðuneytisins og Tryggingastofnunar sýna að eftir að mistökin urðu ljós var lögð talsverð áhersla á að tryggja að upplýsingar um þau umframréttindi sem virtust óvart hafa orðið til lægju í þagnargildi.

 

Þorsteinn Víglundssonfélagsmálaráðherra

Fréttatíminn fjallaði um málið á dögunum og vitnaði í tölvupóst þar sem velferðarráðuneytið biður framkvæmdastjóra réttarsviðs Tryggingastofnunar um að ræða einungis um mistökin við forstjóra Tryggingastofnunar en ekki aðra innan stofnunarinnar. „Bara slb [Sigríður Lillý Baldursdóttir, forstjóri TR, innsk. blaðam.] og biðja hana um að tala ekki um þetta út á við,“ segir í tölvupósti frá ráðuneytisstarfsmanninum sem Stundin hefur undir höndum. Taldi hann brýnt að „hamra á því“ að um „villu“ í lögunum væri að ræða og óskaði eftir aðstoð við að tína til gögn því til stuðnings. „Ef þið munið eftir einhverju eða finnið eitthvað sem við getum notað í rökstuðning varðandi slíkar villur (þarf ekki að vera fyrir mánudaginn) þá endilega sendið mér. Mikið í húfi!“ skrifaði hann.

Eins og Stundin hefur áður greint frá ollu umrædd mistök því að samkvæmt lagabókstafnum hefðu tekjur úr lífeyrissjóðum ekki átt að gilda til skerðingar á ellilífeyri. Ætlunin var hins vegar að þetta ætti einungis við um útreikning örorkulífeyris. Í janúar og febrúar greiddi Tryggingastofnun ekki eftir lögunum heldur eftir túlkun sinni og velferðarráðuneytisins á vilja löggjafans. Rétt framkvæmd laganna hefði kostað hið opinbera samtals um 5 milljarða króna þessa tvo mánuði. Að því er fram kemur í umfjöllun Fréttatímans fékk Tryggingarstofnun sérstök fyrirmæli frá ráðuneytinu um að gera ráð fyrir að greiða út lífeyri marsmánaðar „með sama hætti“ og áður. 

„Við ætlum að hamra á því að þetta sé hreinlega villa í lögunum,“ segir í tölvupósti frá staðgengli skrifstofustjóra til framkvæmdastjóra réttarsviðs Tryggingastofnunar. Þessari yfirlýsingu var svo fylgt eftir af þingmönnum stjórnarmeirihlutans sem „hömruðu“ á því í þingsal að um mistök og villu væri að ræða.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.290 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Áskorun um #strákahitting

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“

Pistill

Þorum við að vera við?

Fréttir

Sagðist sjálfur hafa greitt skuldirnar sem faðir hans yfirtók

Viðtal

Þöggunin tók á sig nýjar myndir eftir stjórnarslitin

Viðtal

„Ég treysti Íslendingum ekki lengur“

Mest lesið í vikunni

Fréttir

Lögbann á frekari umfjöllun um viðskipti forsætisráðherra

Pistill

Það sem Sjálfstæðisflokkurinn vill ekki að þú vitir um húsnæðismál

Pistill

Áskorun um #strákahitting

Pistill

Baráttan við TR-kerfið – mig grunaði aldrei hversu niðurlægjandi hún yrði

Leiðari

Óvinir valdsins

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“