Við erum eins og dýr í búri

Hann slapp úr klóm Alshabab, komst ósyndur lífs af þegar bát hans hvolfdi á Miðjarðarhafi, var synjað um hæli af Svíum og hefur nú beðið í 7 mánuði eftir svari við því hvort hann fái að setjast að á Íslandi, við óviðunandi aðstæður. Hann hefur verið einn í leit að öryggi í þrjú löng ár.

Fyrir þremur árum var hinn fjórtán ára Muhiyo Hamud úti að leika sér í fótbolta með vini sínum. Skyndilega þustu að vopnaðir menn og námu vinina á brott. Mennirnir fóru með þá í skítugt hús langt inni í skóginum, hús fullt af skelkuðum börnum, eins og þeim sjálfum. Í húsinu voru þau beitt andlegum og líkamlegum misþyrmingum og þeim gert ljóst að þau skyldu hlýða mönnunum í einu og öllu. Þeir voru liðsmenn Alshabab-hryðjuverkasamtakanna og það áttu að verða örlög barnanna að verða það líka. Muhiyo gat ekki hugsað sér að berjast fyrir Alshabab. Eftir mánuð í húsinu tókst honum að flýja. Hann fór aftur heim til fjölskyldu sinnar í Jamaame. Mamma hans var himinlifandi og fegin að sjá hann á lífi en þegar hún heyrði hvar hann hefði verið sagði hún honum að hann yrði að fara. Nokkrum dögum seinna lagði Muhiyo, fjórtán ára gamall, af stað til Evrópu í leit að  öryggi. Nú, þremur árum síðar, er hann enn að leita.

Í minnihluta í miðri borgarastyrjöld

Muhiyo ber það ekki með sér við fyrstu sýn að hafa þunga byrði að bera. Hann er myndarlegur ungur maður, vel til fara, með nýtískulega klippingu. Hann er eiginlega bara eins og hver annar menntaskólastrákur. En augun segja sína sögu. Þau eru alvöruþrungin og döpur. Lífið hefur verið honum erfitt frá fyrsta degi. Hann kemur frá borginni Jamaame í Sómalíu en hún hefur verið á valdi Alshabab frá því árið 2014. Þar er alþekkt að hryðjuverkamennirnir ýmist lokki börn til liðs við sig eða ræni þeim. Oft á tíðum velja þeir börn sem tilheyra minnihlutahópum og eiga sér fáa málsvara. Þannig er einmitt farið með Muhiyo. Hann tilheyrir Midgo-ættflokknum.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.190 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Þórólfur rauk á dyr á framsóknarfundi

Viðtal

Halldór Auðar um kynferðisofbeldið: Sektin helltist yfir

Fréttir

Brynjar settur af sem formaður stjórnskipunar- og eftirlitsnefndar

Fréttir

Borgarfulltrúi stígur fram sem gerandi í kynferðisbrotamálum til að kenna ábyrgð

Pistill

Sagan af uppreist æru

Fréttir

Vísar ábyrgðinni á embættismenn: „Ég var erlendis á þessum vikum“

Mest lesið í vikunni

Fréttir

Hjalti fundaði með Bjarna og Brynjari eftir að hann var kærður

Fréttir

Dæmdur fyrir hrottalega nauðgun gegn þroskahamlaðri konu – fékk uppreist æru í fyrra

Fréttir

Geir Jón skrifaði meðmæli fyrir nauðgara sem hann rannsakaði

Pistill

Karlmaður í kventíma

Pistill

Hvað gerði Bjarni rangt?

Fréttir

Yfirmaður hjá Kynnisferðum vildi að sem flestir tækju sér Hjalta til fyrirmyndar