Fréttir

Framlög til heilbrigðismála fjarri því að mæta kröfu 86 þúsund landsmanna þótt byggingarkostnaður nýs spítala teljist með

86 þúsund manns kröfðust þess að útgjöld til heilbrigðismála yrðu aukin upp í 11 prósent af vergri landsframleiðslu fyrir kosningar. Fyrirætlanir ríkisstjórnarinnar eru fjarri því að koma til móts við þá áskorun. Stór hluti útgjaldaaukningarinnar til heilbrigðismála er vegna byggingar nýs Landspítala.

Útgjöld hins opinbera til heilbrigðismála munu aukast úr 7 prósentum af vergri landsframleiðslu upp í 7,85 prósent á síðasta fjárlagaári ríkisstjórnarinnar ef fjármálaáætlun hennar gengur eftir. 

Þetta er niðurstaðan þegar útgjaldarammi heilbrigðismála er borinn saman við hagvaxtarspár Hagstofunnar sem fjármálaáætlunin byggir á. 

Skömmu fyrir kosningar skrifuðu um 86 þúsund manns undir áskorun Kára Stefánssonar þess efnis að útgjöld til heilbrigðismála yrðu aukin upp í 11 prósent af vergri landsframleiðslu. Fyrirætlanir ríkisstjórnarinnar eru órafjarri því að uppfylla slíka kröfu. Samkvæmt fjármálaáætluninni verður hlutfallið 7,85 prósent af vergri landsframleiðslu árið 2021 og 7,95 prósent árið 2022.

Framlög til sjúkrahúsþjónustu munu aukast um 7,3 milljarða króna yfir tímabilið ef frá eru talin framlög vegna byggingar nýs Landspítala. Aukningin er hins vegar 16 milljarðar þegar bygging spítalans er tekin með í reikninginn.

Í fjárlögum ársins 2017 var gert ráð fyrir 177,7 milljörðum til heilbrigðismála eða um 7 prósentum af vergri landsframleiðslu. Að því er fram kemur í greinargerð fjármálaáætlunarinnar munu þó allt í allt renna 188 milljarðar til heilbrigðismála á árinu sé miðað við liðina sjúkrahúsþjónusta, heilbrigðisþjónusta utan sjúkrahúsa, hjúkrunar- og endurhæfingarþjónusta og lyf og lækningarvörur

Þegar Fréttatíminn fjallaði um afstöðu stjórnmálaflokka til heilbrigðisútgjalda skömmu fyrir kosningar kom fram að Viðreisn vildi stórauka árleg útgjöld til heilbrigðismála og að þau yrðu 220 til 260 milljarðar árið 2020. Þetta rímar illa við fjármálaáætlunina, en þar er gert ráð fyrir að útgjöld til heilbrigðismála nemi aðeins 211 milljörðum árið 2020. 

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Þórólfur rauk á dyr á framsóknarfundi

Viðtal

Halldór Auðar um kynferðisofbeldið: Sektin helltist yfir

Fréttir

Brynjar settur af sem formaður stjórnskipunar- og eftirlitsnefndar

Fréttir

Borgarfulltrúi stígur fram sem gerandi í kynferðisbrotamálum til að kenna ábyrgð

Pistill

Sagan af uppreist æru

Fréttir

Vísar ábyrgðinni á embættismenn: „Ég var erlendis á þessum vikum“

Mest lesið í vikunni

Fréttir

Hjalti fundaði með Bjarna og Brynjari eftir að hann var kærður

Fréttir

Dæmdur fyrir hrottalega nauðgun gegn þroskahamlaðri konu – fékk uppreist æru í fyrra

Fréttir

Geir Jón skrifaði meðmæli fyrir nauðgara sem hann rannsakaði

Pistill

Karlmaður í kventíma

Pistill

Hvað gerði Bjarni rangt?

Fréttir

Yfirmaður hjá Kynnisferðum vildi að sem flestir tækju sér Hjalta til fyrirmyndar