Fréttir

Stjórnarliðar gagnrýna Mikael Torfason vegna ummæla hans um fátækt á Íslandi

„Ég held að hægt er að segja að minnsta kosti í gær sáum við rithöfund segja hluti einhliða.“

Nichole Leigh Mosty, formaður velferðarnefndar Alþingis, og Pawel Bartoszek, þingmaður Viðreisnar, beina spjótum sínum að Mikael Torfasyni fjölmiðlamanni vegna málflutnings hans um fátækt í Silfrinu í gær sem vakið hefur mikla athygli. 

„Við búum bara ekki í sanngjörnu samfélagi þegar 370 þúsund krónur eru byrjunarlaun hjúkrunarfræðings, þegar fólk á að lifa á örorku, sem er 129 og 180 þúsund á mánuð. Þegar við leggjumst á koddann í kvöld, þá eigum við að skammast okkar,“ sagði Mikael í þættinum.

Pawel birtir skopstælingu á orðum Mikaels á Facebook og varar við því að „vel meinandi fólk“ grípi til harkalegra aðgerða til að vinna bug á vandamálum. „Þegar við leggjumst á koddann í kvöld þá skulum við muna það að munaðarleysingjahæli í Kína eru full af stúlkubörnum og dauðasveitir stjórnvalda drepa fíkla í Fillippseyjum vegna þess að vel meinandi fólki tókst að sannfæra heimsbyggðina að fólksfjölgun og dóp væru ógnir af þeirri stærðargráðu að engin vettlingartök myndu duga,“ skrifar Pawel.

Á meðal þeirra sem gera athugasemd hjá Pawel er Nichole Leigh Mosty, formaður velferðarnefndar og þingkona Bjartrar framtíðar, sem skrifar: „Takk fyrir þetta Mikki gerði það frekar erfitt fyrir mig að liggja á koddann.“

Nichole gagnrýnir Mikael fyrir einhliða umræðu um fátækt. „Ég vann með fjölskyldu sem hann var að lýsa í Fellahverfi í 9 ár... og já ég held að hægt er að segja að minnst kosti í gær sáum við rithöfundur segja hluti einhliða,“ skrifar hún á Facebook. 

Þegar Nichole er beðin um að útskýra ummæli sín skrifar hún: „Einhliða að það eru til fleiri vandamál tengd fátækt og ábyrgar aðilar og úrlausnum sem við þurfum að ræða... ekki spurning að ríkisstjórn þarf að gera meira enn margir hindrunar eru til staða á sveitafélagstigi og samstarfi þar á milli. Þverfaglegt samstarf milli heilbrigðis, félags og menntunarkerfum eru lykil atriði í að vinna með fátæki.. í dag mörg af þessum kerfum tala ekki saman. Sérstaklega hvað varðar fólk sem eru skráð örykjar.“

Í sömu umræðum fullyrðir Nichole að hún sé hvorki að gera lítið úr málflutningi Mikaels né stöðu fólksins. „Ég er bara að segja að ég þekkja hversu flókin staða það er að landa í ástæðum sem hann lýsti og að það kallar á margvíslega samstarf í þágu einstæklingum. Og það er vandinn.... við þurfum að horfa á fátækt út frá einstæklingum og aðstæðu þeirra.“

Uppfært kl. 16:54

Pawel Bartoszek tjáir sig um fréttina og fullyrðir að athugasemd sín hafi í raun ekkert haft með fátækt á Íslandi og umræðu um hana að gera. Hann hafi einungis notað orðalag Mikaels til að „hefja umræðu um aðra hluti“.

„Ég sagði nákvæmlega ekki neitt um Mikael Torfason. Ekki neitt. Annað en að ég notaði hluta orðalagi hans til að hefja umræðu um aðra hluti sem ég held að sé nauðsynlegt sé að fólk á Vestrulöndum horfist stundum í augu við. Hefur ekkert með fátækt á Íslandi að gera og umræðu um hana. Núll,“ skrifar Pawel. 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Viðtal

Frá fíkli til flóttamanns

Fréttir

Isavia þarf að afhenda Aðalheiði yfirstrikaðar upplýsingar: „Svo mér endist ævin til að reka þetta mál“

Fréttir

Gagnrýnir prófíl-mynd þingkonu sem kvartar undan áreitni

Fréttir

Þrjú hundruð stjórnmálakonur skora á stjórnvöld: „Hótað nauðgun vegna skoðana minna“

Fréttir

Óttast að trúfélagsapp safni persónuupplýsingum

Mest lesið í vikunni

Pistill

Davíð spilar með Geir og þjóðina

Aðsent

VG – in memoriam

Fréttir

Selur bílinn sinn til að borga ríkinu fyrir eigin brottflutning

Fréttir

Umtalaðasta símtalið birt: „Þetta eru 100 millj­arð­ar, spít­al­inn og Sunda­braut­in“

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Fréttir

Berjast fyrir betra LÍN