Nýja fólkið sem tekur völdin

Gríðarleg endurnýjun verður á þingmannaliðinu verði niðurstöður alþingiskosninganna í takt við nýjasta þjóðarpúls Gallup. Fjölmargir núverandi þingmenn komast ekki inn á þing og tuttugu og fimm einstaklingar munu taka sæti á Alþingi í fyrsta sinn. Stundin kynnti sér þá einstaklinga sem eru hvað líklegastir, miðað við kannanir, til þess að verða þingmenn á næstu kjörtímabili.

jonbjarki@stundin.is

Þrjátíu og fimm nýir þingmenn taka sæti á Alþingi ef niðurstaða kosninganna 29. október verður í takt við nýjan þjóðarpúls Gallup. Þrettán konur og tuttugu og tveir karlar. Þar af hafa einungis tíu setið á þingi áður, annaðhvort sem þingmenn eða varaþingmenn. Tuttugu og fimm væru að taka sæti á Alþingi í fyrsta sinn. Þetta þýðir líka að 35 einstaklingar sem gegnt hafa þingmennsku á síðasta kjörtímabili munu þurfa að kveðja þingsalinn verði þetta niðurstaðan. Skoðanakannanir undanfarið hafa sýnt að þónokkur hreyfing er á fylgi stjórnmálaflokkanna nú þegar minna en mánuður er til kosninga. Þá eru margir ennþá óákveðnir eða kjósa að gefa ekki upp afstöðu sína.

Stundin notaði niðurstöður þessa síðasta þjóðarpúls Gallup til þess að reikna út hvaða einstaklingar kæmu nýir inn á þing ef kosningar færu fram núna og niðurstöður yrðu í samræmi við sömu skoðanakönnun. Í ljós kemur að 35 nýir þingmenn tækju sæti á Alþingi í kosningum núna, á meðan einungis 28 þeirra þingmanna sem störfuðu á síðasta kjörtímabili munu ná endurkjöri. Í því samhengi er þó vert að benda á að fjölmargir þeirra hafa kosið að gefa ekki kost á sér í kosningunum í haust. Flestir nýir þingmenn myndu koma úr röðum Pírata, eða tólf talsins. Þá kæmu níu nýir þingmenn frá Viðreisn inn á þing, sjö frá Sjálfstæðisflokknum, tveir frá Samfylkingu, fimm frá Vinstri grænum á meðan endurnýjunin yrði engin hjá Framsókn og Björt framtíð næði ekki manni inn.

Sem fyrr segir byggir umfjöllun Stundarinnar á nýjasta þjóðarpúlsi Gallup, netkönnun sem tekin var dagana 16. til 29. september 2016. Heildarúrtaksstærð var 3.035, þátttökuhlutfall var 59,2 prósent og einstaklingar í úrtaki voru handahófsvaldir úr Viðhorfahópi Gallup. Tæplega 10 prósent tóku ekki afstöðu eða neituðu að gefa hana upp og liðlega átta prósent svarenda sögðust myndu skila auðu eða ekki kjósa ef kosið yrði til Alþingis í dag. Þann fyrirvara verður að setja við niðurstöðuna að ekki er fyllilega marktækt að ganga út frá niðurstöðum fyrir hvert kjördæmi. Vikmörk eru há vegna þess hve fá svör eru þegar svarendum könnunarinnar er skipt í hópa eftir kjördæmum. Kannanirnar gefa hins vegar ákveðna vísbendingu um það hvernig Alþingi Íslendinga gæti litið út eftir komandi kosningar.

Alþingi25 þingmenn koma inn á Alþingi í fyrsta sinn, ef niðurstöður síðustu könnunar Gallups verða að veruleika í alþingiskosningunum.

Björt framtíð úti

Þrátt fyrir að Sjálfstæðisflokkurinn og Píratar séu enn stærstu flokkarnir dalar fylgi þeirra eilítið frá síðustu mælingu Gallup á meðan fylgi Viðreisnar fer örlítið upp á við. Tæplega 21 prósent segist myndi kjósa Pírata sem er tæplega þremur prósentustigum minna en í síðustu mælingu og nær 24 prósent segjast myndu kjósa Sjálfstæðisflokkinn sem er um tveimur prósentustigum minna en fyrri hluta september. Þá segjast ríflega þrettán prósent myndu kjósa Viðreisn. Þessar breytingar eru þó það litlar að þær eru vart tölfræðilega marktækar. Stuðningur við ríkisstjórnina minnkar um tvö prósentustig frá síðustu mælingu en nær 36 prósent segjast styðja ríkisstjórnina.

Eina tölfræðilega marktæka breytingin milli mælinga er fylgisaukning Bjartrar framtíðar sem bætir við sig tæpum tveimur prósentustigum milli mælinga, en 4,7 prósent segjast myndu kjósa Bjarta framtíð færu kosningar til Alþingis fram í dag. Flokkurinn næði þó ekki yfir fimm prósenta þröskuldinn ef þetta yrði niðurstaðan og myndi því ekki fá neinn kjörinn á þing. Það myndi þýða að þingmennirnir Björt Ólafsdóttir, Óttarr Proppé og Páll Valur Björnsson, sem öll leiða lista flokksins í ólíkum kjördæmum, myndu þurfa að taka poka sinn. Tæplega 16 prósent segjast myndu kjósa Vinstri græn, sem er um tveimur prósentustigum meira en í síðustu mælingu. Rúmlega átta prósent segjast ætla að kjósa Samfylkinguna og Framsóknarflokkinn. Aðrir flokkar ná ekki upp fyrir fimm prósenta múrinn og myndu því ekki ná manni inn.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.490 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Við mælum með

Sjúklegt ástand spítalans

Sjúklegt ástand spítalans

·
Dýralæknirinn sem keypti kaupfélag

Dýralæknirinn sem keypti kaupfélag

·
Vafasamar tengingar stærsta gagnavers landsins

Vafasamar tengingar stærsta gagnavers landsins

·
Afturför Tyrklands

Afturför Tyrklands

·

Nýtt á Stundinni

Stundin kærir synjun á upplýsingagjöf

Stundin kærir synjun á upplýsingagjöf

·
Bylgja hatursorðræðu gegn hælisleitendum: „Grýta þetta pakk“

Bylgja hatursorðræðu gegn hælisleitendum: „Grýta þetta pakk“

·
Villimennirnir

Hans Hansen

Villimennirnir

·
Hey Bjarni Ben, þú ert frændi minn!

Valgerður Árnadóttir

Hey Bjarni Ben, þú ert frændi minn!

·
Fátækt fólk

Illugi Jökulsson

Fátækt fólk

·
Örplast að finna á dýpstu svæðum hafsins

Örplast að finna á dýpstu svæðum hafsins

·
Björn Zoëga krafinn svara um störf sín fyrir umdeilt sænskt heilbrigðisfyrirtæki í Sameinuðu arabísku furstadæmunum

Björn Zoëga krafinn svara um störf sín fyrir umdeilt sænskt heilbrigðisfyrirtæki í Sameinuðu arabísku furstadæmunum

·
Mikill meirihluti fylgjandi lægri sköttum á tekjulága

Mikill meirihluti fylgjandi lægri sköttum á tekjulága

·
Segja börn fá pítsu ef þau sleppa því að mæta á loftslagsmótmæli

Segja börn fá pítsu ef þau sleppa því að mæta á loftslagsmótmæli

·
Misheppnuð samfélagsgreining og bangsalegar löggur

Ásgeir H. Ingólfsson

Misheppnuð samfélagsgreining og bangsalegar löggur

·
Katrín varar við tortryggni gagnvart evrópsku samstarfi og aðild Íslands að MDE

Katrín varar við tortryggni gagnvart evrópsku samstarfi og aðild Íslands að MDE

·
Innflytjandi kemur hælisleitendum til varnar: „Hræðsla og ótti var mitt daglegt brauð í fjögur ár“

Innflytjandi kemur hælisleitendum til varnar: „Hræðsla og ótti var mitt daglegt brauð í fjögur ár“

·