Auglýsingin hverfur eftir stutta stund...
Loka

Myndir

Svona lifir Ali eftir að íslensk stjórnvöld sendu hann burt: „Ég vil ekki deyja“

Unglingurinn Ali Nasir var dreginn út úr Laugarneskirkju með valdi í sumar og er nú staddur í Írak. Fjölskylda hans afneitaði honum vegna þess að hann tók kristna trú á Íslandi. Ali dvelur í hrörlegu geymslurými, reiðir sig á matargjafir og óttast um líf sitt.

Ali Nasir, 16 ára strákur sem íslensk stjórnvöld vísuðu úr landi á grundvelli Dyflinnarreglugerðarinnar í sumar, er staddur í Bagdad, býr við slæman aðbúnað og reiðir sig á matargjafir frá ókunnugum.

Þegar Stundin ræddi við Ali í gær sagðist hann vera sársvangur og ekkert hafa borðað síðan á föstudag. Þegar blaðamaður náði aftur tali af honum í dag, mánudag, hafði Ali fengið brauð en sagðist vera með höfuðverk og líða eins og hann væri með hita. 

Ali dvelur í hrörlegu geymslurými aftan við kaffihús og sefur þar á gólfinu innan um rykfallin húsgögn og gömul heimilistæki. Hann segir að sér hafi verið afneitað af fjölskyldu sinni í Írak eftir að hann tók upp kristna trú, en eins og frægt er orðið var unglingurinn dreginn út úr Laugarneskirkju með valdi þann 28. júní síðastliðinn og sendur til Noregs. Stundin fjallaði ítarlega um málið á sínum tíma og náði myndbandi af atvikinu sem rataði jafnframt í erlenda fréttamiðla.

Aðeins um tveimur vikum eftir atvikið í Laugarneskirkju synjuðu Norðmenn Ali um hæli og sendu hann til Íraks. Þegar Stundin ætlaði að greina frá þessu í júlí báðu velunnarar Alis um að það yrði ekki gert, enda gæti slík umfjöllun stefnt honum í enn meiri hættu.

Stundin hefur nú komist í samband við Ali, átt í samskiptum við hann og fengið vilyrði hans fyrir þeirri umfjöllun sem hér birtist.

Ali er með síma sem hann eignaðist á Íslandi, getur hlaðið hann og fær að nota internetið af kaffihúsinu sem er við hliðina á geymslunni. Þannig hefur Stundin getað rætt við Ali á Facebook, bæði í gegnum Messenger og Facetime. 

Aðspurður hvers vegna hann fer ekki til fjölskyldu sinnar segist Ali ekki eiga neina fjölskyldu lengur. „Það er vegna þess að ég skipti um trú, ég er ekki lengur múslimi heldur kristinn,“ segir hann og bætir því við að hann eigi ekki í önnur hús að venda en geymslurýmið. Hann sýnir blaðamanni vatnsbrúsana sína, teppi og kodda og annan af tveimur stuttermabolum sínum; hann er klæddur í hinn bolinn.

Ali hljómar máttfarinn, hann talar takmarkaða ensku og endurtekur sömu setningarnar í samtali við blaðamann, orð eins og „I love Iceland“, „This is no good“, „I wanna live“, „No food for three days“, „Please help me“ og „I am alone, only me“. Hann segist þrá að koma aftur til Íslands og halda áfram námi sínu, enda sakni hann vina sem hann hafi eignast hér. Ali segir að sig langi að læra, vinna og vera sjálfbjarga – lifa eðlilegu lífi. Hann óttast um líf sitt og segir vopnaðan hóp vera á eftir sér vegna þess að hann tók kristna trú. „Ég vil ekki deyja,“ segir hann.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.290 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Fréttir

Gagnrýnir prófíl-mynd þingkonu sem kvartar undan áreitni

Fréttir

Isavia þarf að afhenda Aðalheiði yfirstrikaðar upplýsingar: „Svo mér endist ævin til að reka þetta mál“

Viðtal

Frá fíkli til flóttamanns

Fréttir

Þrjú hundruð stjórnmálakonur skora á stjórnvöld: „Hótað nauðgun vegna skoðana minna“

Fréttir

Óttast að trúfélagsapp safni persónuupplýsingum

Mest lesið í vikunni

Pistill

Davíð spilar með Geir og þjóðina

Aðsent

VG – in memoriam

Fréttir

Selur bílinn sinn til að borga ríkinu fyrir eigin brottflutning

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Fréttir

Umtalaðasta símtalið birt: „Þetta eru 100 millj­arð­ar, spít­al­inn og Sunda­braut­in“

Fréttir

Súr Sigmundur kallar Bjarna farþega og segir að hann hljóti að hætta í stjórnmálum