Íslensk stjórnvöld hafa ekki markað formlega stefnu um loftgæði og ekki beitt markvissum aðgerðum til að takmarka eða draga úr losun mengandi efna út í andrúmsloftið, hvorki með alþjóðlegri samvinnu eða staðbundnum aðgerðum. Þvert á móti rýmkaði Sigrún Magnúsdóttir, fyrrverandi umhverfisráðherra, reglur varðandi svifryksmengun til muna á síðasta ári, andstætt ábendingum sérfræðinga, en svifryk er það efni sem er líklegast til að fara yfir heilsuverndarmörk á Íslandi. Loftmengun af svifryki í Reykjavík er á pari við margar milljónaborgir í kringum okkur. Þá fer mengun vegna bílaumferðar vaxandi í miðborginni samhliða fjölgun ferðamanna, rútubann beinir umferð stórra farþegabifreiða framhjá tveimur leikskólum og Íslendingar losa meira af brennisteinsvetni en Noregur, Svíþjóð og Danmörk samanlagt. Á sama tíma telur Landlæknisembættið óþarfi að rannsaka áhrif loftmengunar á heilsu almennings, því loftmengun sé ekki vandamál á Íslandi. 

Lögbundin áætlun ekki verið gerð

Ríkisendurskoðun vakti athygli á því í skýrslu í desember síðastliðnum að án skýrrar …