Fréttir

Katrín með langmestan stuðning sem forseti: Vill áherslu á umhverfi og mannréttindi

Könnun Stundarinnar leiðir í ljós að Katrín Jakobsdóttir hefur langmest fylgi í embætti forseta Íslands. Katrín vill að forseti leggi áherslu á umhverfisvernd, mannréttindi, menningu og lýðræði.

Katrín Jakobsdóttir Nýtur mikils stuðnings í embætti forseta Íslands. Mynd: Kristinn Magnússon

Katrín Jakobsdóttir mælist með langmestan stuðning í embætti forseta Íslands í umfangsmikilli skoðanakönnun Stundarinnar, sem framkvæmd var af MMR.

Forsíða Stundarinnar
Forsíða Stundarinnar Nýtt tölublað Stundarinnar kom út í dag. Í blaðinu er viðtal við Katrínu Jakobsdóttur og ítarleg umfjöllun um forsetakosningarnar.

37,5% svarenda sögðust telja að Katrín kæmi til greina sem næsti forseti Íslands. Þá sögðust 23% svarenda vera líklegastir til að kjósa hana. Katrín segir frá sýn sinni á forsetaembættið í viðtali við Stundina sem kemur út í prentútgáfu í dag. Þar kemur fram að hún telur að forseti eigi að leggja áherslu á umhverfisvernd, mannréttindi, menningu og lýðræði.
Katrín hafði ekki ætlað sér að fara í forsetaframboð, en nú hefur staðan breyst. „Núna velti ég þessu fyrir mér af því að ég hef verið að fá áskoranir,“ segir hún.

Aðrir sem mælast með mikinn stuðning eru Davíð Oddsson, Stefán Jón Hafstein, Salvör Nordal, Ólafur Jóhann Ólafsson, Þorgerður Katrín Gunnarsdóttir og Andri Snær Magnason, öll með 7-8% stuðning þegar spurt var hvaða einn aðila aðspurðir myndu líklegast kjósa sem forseta.
Í umfangsmikilli umfjöllun Stundarinnar um 27 möguleg forsetaefni kemur meðal annars fram að 23% stuðningsmanna Sjálfstæðisflokksins vilja Davíð Oddsson sem forseta.

Könnun stóð yfir dagana 23. febrúar til 1. mars. Yfir 900 manns tóku þátt í könnuninni. Spurningarnar voru tvær:

1. „Hverjir af eftirtöldum einstaklingum koma að þínu mati til greina sem næsti forseti Íslands?“

2. „Hvern eftirfarandi einstaklinga værir þú líklegust/líklegastur til að kjósa í forsetakosningum?“

Umfjöllun Stundarinnar um forsetakosningarnar má lesa hér.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Viðtal

Frá fíkli til flóttamanns

Fréttir

Isavia þarf að afhenda Aðalheiði yfirstrikaðar upplýsingar: „Svo mér endist ævin til að reka þetta mál“

Fréttir

Gagnrýnir prófíl-mynd þingkonu sem kvartar undan áreitni

Fréttir

Þrjú hundruð stjórnmálakonur skora á stjórnvöld: „Hótað nauðgun vegna skoðana minna“

Fréttir

Óttast að trúfélagsapp safni persónuupplýsingum

Mest lesið í vikunni

Pistill

Davíð spilar með Geir og þjóðina

Aðsent

VG – in memoriam

Fréttir

Selur bílinn sinn til að borga ríkinu fyrir eigin brottflutning

Fréttir

Umtalaðasta símtalið birt: „Þetta eru 100 millj­arð­ar, spít­al­inn og Sunda­braut­in“

Fréttir

Gagnrýnir „afsal á forystuhlutverki Sjálfstæðisflokksins til VG“ og segir að frjálsar umræður leyfist ekki í Valhöll

Fréttir

Berjast fyrir betra LÍN