Fréttir

Illugi hunsar ítrekaðar spurningar um Orku Energy málið frá fimm fjölmiðlum

Fréttastofa RÚV, Kastljósið, DV, Vísir og Stundin hafa öll reynt að fá svör frá Illuga Gunnarssyni menntamálaráðherra um tengsl hans og Orku Energy. Fjölmiðlarnir byrjuðu að senda spurningarnar fyrir fimm mánuðum síðan.

Fimm fjölmiðlar hafa reynt án árangurs Fimm fjölmiðlar hafa nú reynt að fá svör við spurningum um tengsl Illuga Gunnarssonar og Orku Energy en án árangurs. Mynd: Pressphotos

Fimm ritstjórnir fjölmiðla á Íslandi hafa á síðustu mánuðum reynt að fá Illuga Gunnarsson menntamálaráðherra til að svara spurningum um Orku Energy málið en án árangurs. Þetta kemur fram í svörum frá fjölmiðlunum, eða ritstjórnunum, við fyrirspurn Stundarinnar um málið. Fjölmiðlarnir, eða ristjórnirnar sem um ræðir, eru: Fréttastofa RÚV, Kastljós RÚV, DV, vísir.is og Stundin. 

Líkt og komið hefur fram í Stundinni þá hefur fjölmiðillinn sent Illuga Gunnarssyni, eða aðstoðarmanni hans Sigríði Hallgrímsdóttur, fimmtán tölvupósta með spurningum um Orku Energy málið, eða ítrekanir um að hann svari spurningum um málið, frá því í lok apríl. En það var þá sem Illugi hætti að svara spurningum fjölmiðla um Orku Energy málið. Illugi greindi þá frá að hann hefði selt stjórnarformanni Orku Energy, Hauki Harðasyni, íbúð sína á Ránargötu eftir að hann lenti í fjárhagserfiðleikum. 

Í svörum frá fjölmiðlunum sem í kjölfarið á þessum upplýsingum reyndu að fá Illuga til að svara spurningum um viðskipti sín og stjórnarformanns Orku Energy kemur fram að þeir hafi þá reynt mjög að fá Illuga í viðtal. Þannig segir Jóhann Hlíðar Harðarson, fréttamaður á fréttastofu RÚV, frá því í skriflegu svari til Stundarinnar að hann hafi í þrjá daga reynt að fá Illuga í viðtal en án árangurs: „Ég sendi tölvupóst á Illuga Gunnarsson og Sigríði Hallgrímsdóttur, aðstoðarkonu hans, þrjá daga í röð; 27., 28. og 29. apríl, þar sem ég bað ráðherra um viðtal til að spyrja hann um tengsl hans og samskipti við Orku Energy og ráðamenn fyrirtækisins. Engin svör hafa enn borist við þessari beiðni.“ 

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.190 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Gagnrýnir að Íslandsbanki „steli“ hluta af áheitum á hana

Fréttir

Ung kona fær Íslandsbanka til að afnema frádrátt af söfnunarfé í Reykjavíkurmaraþoninu

Viðtal

Dreymdi alltaf um að búa í Danmörku

Fréttir

Thomas vísar á félaga sinn með hvarfið á Birnu Brjánsdóttur

Fréttir

„Reykjavík útbíuð af skrauti“

Fréttir

Tröllvaxin auglýsing H&M í gangveginum á Lækjartorgi

Mest lesið í vikunni

Fréttir

Gagnrýnir að Íslandsbanki „steli“ hluta af áheitum á hana

Fréttir

Ung kona fær Íslandsbanka til að afnema frádrátt af söfnunarfé í Reykjavíkurmaraþoninu

Fréttir

Robert Downey og Brynjar Níelsson lögmenn sama nektardansstaðar

Pistill

Kennari svarar ummælum Áslaugar Örnu

Fréttir

Brynjar þrætti fyrir að hafa verið lögmaður Bóhems en sendi bréf sem slíkur

Fréttir

Hann vildi leggja Ísland í eyði