Kjúklingabaunasnakk er bæði hollt og gott snakk sem hægt er að útbúa skyndilega með lítilli fyrirhöfn og gúffa í sig án samviskubits. Kjúklingabaunir innihalda fáar kaloríur, eða um 115 kcal á hver 100 grömm af soðnum kjúklingabaunum, sem er ekkert í samanburði við til dæmis salthnetur, (með 535 kcal pr 100 g), eða kartöfluflögur (með 547 kcal pr 100 g). Nú geri ég mér fyllilega grein fyrir því að kaloríur segja ekki alla söguna og að kaloríumagnið eykst þegar baunirnar eru ristaðar í olíu. Engu að síður er þetta frábær kostur þegar þú ert í átaki eða vilt vera meðvitaður um hvað þú ert að setja ofan í þig. Kjúklingabaunir eru troðfullar af trefjum, próteini og járni og eru þar fyrir utan ódýrar, kosta ekki nema 98 krónur dósin, sem er sáralítið fyrir heilsusnakk. Fyrirhöfnin er svo nánast engin, eða álíka mikil og að poppa popp.

Á Indlandi er algengt …