Sigmundur Davíð Gunnlaugsson forsætisráðherra boðaði Pál Magnússon útvarpsstjóra á fund í stjórnarráðinu og kvartaði undan umræðu tiltekinna starfsmanna Ríkisútvarpsins um Framsóknarflokkinn, samkvæmt heimildum Stundarinnar.

Páll Magnússon Var kallaður á fund Sigmundar Davíðs í forsætisráðuneytinu, þar sem Sigmundur hafði þrjár þykkar möppur með útprentuðum fréttum.

Mynd: Pressphotos

Fundurinn átti sér stað sumarið eftir að ríkisstjórn Sigmundar var mynduð. Á fundinum kynnti forsætisráðherra þrjár möppur með úrklippum og afritum af gagnrýni á Framsóknarflokkinn sem töldu minnst nokkur hundruð síður. Þá vitnaði hann í bloggfærslu tiltekins starfsmanns Ríkisútvarpsins, þar sem Framsóknarflokkurinn var gagnrýndur. 

Páll Magnússon útvarpsstjóri staðfestir að fundurinn hafi átt sér stað, en vill ekki að öðru leyti tjá sig um málið.