Auglýsingin hverfur eftir stutta stund...
Loka

Fréttir

Ekkert lát á hækkun fasteignaverðs: „Mun taka langan tíma að auka framboð húsnæðis“

Fasteignaverð á höfuðborgarsvæðinu hækkaði um 2,7% milli mánaða í mars en heildarhækkunin síðustu 12 mánuði nemur 20,9% og hefur ekki verið meiri síðan í upphafi ársins 2006.

Fasteignaverð á höfuðborgarsvæðinu hækkaði um 2,7% milli mánaða í mars en heildarhækkunin síðustu 12 mánuði nemur 20,9% og hefur ekki verið meiri síðan í upphafi ársins 2006.

Þetta kemur fram í fréttabréfi hagfræðideildar Landsbankans en í gær birti Þjóðskrá Íslands tölur um fasteignaverð á höfuðborgarsvæðinu. „Hækkanir milli mánaða voru verulegar að þessu sinni og meiri en hafa sést lengi og virðist takturinn stígandi,“ segir í bréfinu, en bent er á að raunverð fasteigna hefur hækkað um u.þ.b. 21,3% á einu ári frá mars 2016 til mars 2017.

Stundin hefur fjallað ítarlega um húsnæðisvandann á Íslandi en sjaldan hefur verið erfiðara fyrir ungt fólk að koma sér upp þaki yfir höfuðið en nú. Húsnæðisskortur, fjölgun erlendra ferðamanna og uppkaup stórra leigufélaga á jafnvel heilu íbúðablokkunum hefur ýtt undir sífellt hækkandi húsnæðis- og leiguverð á undanförnum árum sem veldur því að fjöldi fólks kemst ekki úr foreldrahúsum, gefst jafnvel upp og flytur úr landi. Ekki sér fyrir endann á þeirri þróun en samkvæmt nýlegri spá greiningardeildar Arion banka gæti húsnæðisverð hækkað um allt að þrjátíu prósent á næstu þremur árum.  

Nýleg auglýsingaherferð Íslandsbanka hefur vakið hörð viðbrögð, en þar er því beint til ungs fólks að gefast ekki upp heldur gera „plan“.

Viðtalaröð, fjármögnuð af Íslandsbanka, birtist í Fréttablaðinu þar sem einkum var rætt við fólk sem hafði fengið lán frá foreldrum sínum til að kaupa fasteign og/eða hafði keypt fasteign áður en bólan myndaðist á fasteignamarkaði.

Ríkisstjórn Íslands hefur sett á fót aðgerðarhóp til að bregðast við því sem kallað er „neyðarástand“ á húsnæðismarkaði og mun hópurinn skila tillögum um úrbætur í maí. Þá hafa þingmenn Sjálfstæðisflokksins að undanförnu lagt fram lagafrumvörp þar sem lagt er til að skapaðir séu auknir hvatar til fyrirframgreiðslu arfs frá foreldrum og að stimpilgjöld séu afnumin til að „auðvelda fólki að afla sér íbúðarhúsnæðis og auka skilvirkni og flæði á markaði með það“.

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.290 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Áskorun um #strákahitting

Leiðari

Óvinir valdsins

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“

Pistill

Þorum við að vera við?

Fréttir

Fékk nóg af hagræðingartali ráðherra: „Við erum hér alla daga að reyna gera okkar besta“

Fréttir

Sagðist sjálfur hafa greitt skuldirnar sem faðir hans yfirtók

Mest lesið í vikunni

Fréttir

Lögbann á frekari umfjöllun um viðskipti forsætisráðherra

Fréttir

Faðir Bjarna Benediktssonar greiddi upp skuldir hans vegna áhættuviðskipta

Pistill

Það sem Sjálfstæðisflokkurinn vill ekki að þú vitir um húsnæðismál

Pistill

Áskorun um #strákahitting

Pistill

Baráttan við TR-kerfið – mig grunaði aldrei hversu niðurlægjandi hún yrði

Leiðari

Óvinir valdsins