Auglýsingin hverfur eftir stutta stund...
Loka

Fréttir

Áslaug Arna fullyrti ranglega að ríkisútgjöld væru nánast hvergi hærri meðal þróaðra ríkja en á Íslandi

Áslaug Arna Sigurbjörnsdóttir, ritari Sjálfstæðisflokksins og formaður allsherjar- og menntamálanefndar, flutti jómfrúarræðu sína á Alþingi í gær.

Áslaug Arna Sigurbjörnsdóttir, þingkona og ritari Sjálfstæðisflokksins og formaður allsherjar- og menntamálanefndar Alþingis, sagði í jómfrúarræðu sinni á Alþingi í gær að útgjöld ríkisins sem hlutfall af landsframleiðslu væru nánast hvergi hærri meðal þróaðra ríkja en á Íslandi. 

Á annan tug þróaðra ríkja, meðal annars flest nágrannaríki Íslands, verja hærra hlutfalli af vergri landsframleiðslu til ríkisútgjalda heldur en íslenska ríkið. Í þessum hópi eru til dæmis Danmörk, Finnland, Svíþjóð, Noregur, Þýskaland og Frakkland. Þá eru meðalútgjöld hins opinbera á evrusvæðinu mun hærri en á Íslandi.

„Íslendingar hafa, því miður, fengið að kynnast of mörgum og of miklum sveiflum í hagkerfinu. Okkur hefur tekist illa að tryggja stöðugleika og við virðumst of oft missa tökin, ekki síst þegar vel gengur. Áskorun okkar nú er að viðhalda þeirri góðu stöðu sem við búum við í dag og styrkja um leið þær stoðir sem velferð okkar og öryggi hvílir á,“ sagði Áslaug Arna í ræðu sinni um fjármálastefnu ríkisstjórnarinnar. „Útgjöld ríkisins sem hlutfall af landsframleiðslu eru eiginlega hvergi hærri meðal þróaðra ríkja en á Íslandi. Ef enn skortir fé í viss verkefni, sem við erum sammála um að geri, hlýtur vandamálið að liggja í augum uppi. Það felst í rangri forgangsröðun og nýtingu þeirra fjármuna sem fyrir eru.“

Eurostat og OECD taka árlega saman gögn um fjármál hins opinbera þar sem bera má saman hagstærðir ríkja. Samkvæmt gögnunum, sem aðgengileg eru á netinu, er Ísland langt frá því að vera það þróaða ríki sem ver mestum fjármunum til opinberra útgjalda miðað við landsframleiðslu. 18 ríki voru framar Íslandi í röðinni árið 2015 og 15 ríki árið 2014 samkvæmt upplýsingum á vef Eurostat. Staðan er svipuð ef litið er fleiri ár aftur í tímann. Þá eru meðalútgjöld hins opinbera á evrusvæðinu mun hærri en á Íslandi.

Á vef OECD má sjá hlutfall ríkisútgjalda af vergri landsframleiðslu hjá 30 ríkjum samtakanna og eru þar 12 ríki með hærri ríkisútgjöld en Ísland. Hlutfallið er 45,3 prósent hjá Íslandi en hátt í 60 prósent hjá Belgíu, Danmörku, Frakklandi og Finnlandi. 

Í jómfrúarræðu sinni sagði Áslaug Arna að þess væru fjölmörg dæmi á liðnum árum að skammsýnir stjórnmálamenn ynnu að því að auka umsvif ríkisins á öllum sviðum og „blása ríkisbáknið út burt séð frá því hvort á því var nokkur nauðsyn“. Reikningurinn hafi síðan verið sendur skattgreiðendum framtíðarinnar. „Stjórnmálamenn hafa verið, og eru sumir hverjir enn, ósparir á annarra manna fé og telja ekkert athugavert við stóraukin og ósjálfbær útgjöld ríkissjóðs ár eftir ár,“ sagði Áslaug Arna. 

Sjá einnig:

Segir að heilbrigðisþjónustan á Íslandi sé
betri en þjónustan á hinum Norðurlöndunum

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Áskorun um #strákahitting

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“

Pistill

Þorum við að vera við?

Fréttir

Sagðist sjálfur hafa greitt skuldirnar sem faðir hans yfirtók

Viðtal

Þöggunin tók á sig nýjar myndir eftir stjórnarslitin

Viðtal

„Ég treysti Íslendingum ekki lengur“

Mest lesið í vikunni

Fréttir

Lögbann á frekari umfjöllun um viðskipti forsætisráðherra

Pistill

Það sem Sjálfstæðisflokkurinn vill ekki að þú vitir um húsnæðismál

Pistill

Áskorun um #strákahitting

Pistill

Baráttan við TR-kerfið – mig grunaði aldrei hversu niðurlægjandi hún yrði

Leiðari

Óvinir valdsins

Fréttir

Bjarni um viðskipti með Sjóvá sem fóru til saksóknara: „Mér líst mjög vel á þetta mál“