Þessi færsla er meira en 3 ára gömul.
Veirutíðindi
Nú er fjöldi dauðsfalla af völdum veirufaraldursins í Bandaríkjunum kominn upp fyrir 200.000. Talan jafngildir gervöllum íbúafjölda Íslands 1967. Tíu þúsund dauðsföll eða þar um bil bætast við í hverri viku. Því má reikna með að fjöldi fallinna verði kominn upp í eða upp fyrir 250.000 á kjördag þar vestra 3. nóvember – og þá erum við komin til Íslands 1988.
Bandaríkjamenn standa frammi fyrir þeirri nöturlegu staðreynd að dauðsföllin þar af völdum veirunnar nema röskum fimmtungi af öllum dauðsföllum um heiminn þótt Bandaríkjamenn telji aðeins um 4% af heildarmannfjölda heimsins.
Belgía, Spánn og Bretland eru einu Evrópulöndin þar sem veiran hefur kostað hærra hlutfall mannfjöldans lífið en í Bandaríkjunum ef örríkin San Marínó og Andorra eru ekki talin með. Bandaríkin eru nú í þann veginn að sigla fram úr Bretlandi og munu með sama áframhaldi sigla einnig fram úr Spáni og Belgíu innan fárra vikna. Þá verða Bandaríkin ein eftir efst á listanum ásamt nokkrum Suður-Ameríkuríkjum: Perú, Bólivíu, Síle, Brasilíu og Ekvador. Perú er efst á listanum sem stendur. Þar nálgast fjöldi dauðsfalla af völdum veirunnar nú einn af hverjum þúsund íbúum, eitt prómill mannfjöldans þar borið saman við 0,6 prómill í Bandaríkjunum og Bretlandi.
Þrátt fyrir bakslag sums staðar í Evrópu fjölgar smitum og dauðsföllum þar mun hægar en í Bandaríkjunum og sumum Suður-Ameríkulöndum. Þess vegna halda Bandaríkin áfram að bruna upp eftir listanum.
Myndin af þróun og afleiðingum faraldursins í Svíþjóð er nú tekin að skýrast. Faraldurinn hefur til þessa kostað tæp 5.900 manns lífið í Svíþjóð borið saman við 453 dauðsföll í Danmörku, 339 í Finnlandi og 265 í Noregi, en fá dauðföll bætast nú við í Svíþjóð líkt og annars staðar um Norðurlönd.
Anders Tegnell yfirsóttvarnalæknir Svíþjóðar telur að skýringin á þessum mikla mun framan af faraldrinum stafi að hluta af því að inflúensufaraldrar síðustu ára hafa kostað færri mannslíf í Svíþjóð og einnig í Belgíu, Bretlandi og Hollandi en áður og því hafi tiltölulega fleiri eldri borgarar í þessum löndum orðið covid-veirunni að bráð en ella hefði orðið.
Af þessu má ráða hversu villandi það getur verið að skoða aðeins tölur um dauðsföll af völdum veirunnar. Við bætist að tölurnar ná yfir alla sem voru smitaðir við andlátið hvort sem dánarorsökin var veiran eða ekki.
Nær væri því að skoða og bera saman dánartíðni í víðara samhengi þar sem haldið er til haga skyldum þáttum, t.d. fjöldi dauðsfalla í inflúensufaraldrinum 2019, og óbeinum áhrifum faraldursins, t.d. hik sumra við að leita sér lækninga við öðrum sjúkdómum af ótta við smit. Hér er verk að vinna.
Fleiri færslur frá höfundi
Leppar
Mér er minnisstæður leynifundur sem var haldinn í Háskóla Íslands fyrir fáeinum árum í sambandi við stofnun Íslandsdeildar Transparency International. Meðal fundargesta var einn æðsti embættismaður réttarkerfisins. Þegar röðin kom að honum þar sem við sátum kannski fimmtán manns í kringum borð lýsti hann þeirri skoðun að spilling hefði aldrei verið minni á Íslandi en einmitt þá og væri ekki...
Hringamyndun í stjórnmálum
Hvað er fjórflokkurinn eða fimmflokkurinn annað en hringur? (e. cartel) – þ.e. bandalag misgamalla stjórnmálaflokka gegn nýju fólki sem vill gera breytingar á lögum og stjórnarskrá í samræmi við skýran vilja meiri hluta kjósenda eins og hann hefur birzt í skoðanakönnunum ár fram af ári og einnig í þjóðaratkvæðagreiðslunni 2012 um nýju stjórnarskrána. Þessi hringur skilur eftir sig langan slóða....
Uppástand
Neyzla er nauðsynleg öllu lífi á jörðu ef ekki beinlínis æðsti tilgangur alls sem anda dregur. En samt fer misjafnt orð af henni – þ.e. neyzlunni, ekki jörðinni. Við neytum matar og drykkjar því annars héldum við ekki lífi. Við öndum að okkur loftinu sem umlykur jörðina því annars myndum við kafna. Við fögnum fegurð heimsins með því að gleðjast...
Ávarp á Austurvelli
Það er rífandi gangur í endurskipulagningu bankakerfisins. Fjármálaráðherra talar um ”ánægjulegan lokahnykk á vel heppnuðu söluferli“. Hverjir voru valdir til að kaupa bréfin í Íslandsbanka á undirverði? Hér eru nokkrir nýir eigendur Íslandsbanka: Einn er nýkominn af Kvíabryggju, dæmdur fyrir umboðssvik o.fl. Annar fékk átta mánaða dóm, einnig fyrir umboðssvik o.fl. Enn annar er með Interpol á hælunum, hann...
Nýtt efni
Ég drap mig næstum á vinnu
Martyna Daniel lærði það þrítug að sama hversu áhugaverð og skemmtileg vinna er þá má hún ekki taka yfir alla hluta lífsins. Hún fór í kulnun og veikindaleyfi en fór svo að starfa á Borgarbókasafninu og vinnur í dag sem sérfræðingur fjölmenningarmála þar enda kann hún frönsku, spænsku, pólsku, ensku og íslensku.
Spyr hvort tengsl flóttafólks við hryðjuverkasamtök verði rannsökuð
Þingmaður Sjálfstæðisflokks vill fá að vita hvort til standi að rannsaka bakgrunn flóttafólks út frá mögulegum tengslum við hryðjuverkasamtök. Tæpur áratugur er síðan að annar þingmaður flokksins velti fyrir sér bakgrunnsskoðun á flóttafólki og var fordæmdur fyrir af allri flokksforystunni.
Kristín Davíðsdóttir
Að sýna samhygð
Eitt það mikilvægasta sem lífið hefur kennt Kristínu Davíðsdóttur hjúkrunarfræðingi er að með því einu að vera til staðar og sýna samhygð getur maður gert ansi mikið. „Við þurfum ekki að hræðast það að taka upp mál eða ræða þótt við höfum ekki lausn – við getum alltaf sýnt samhygð.“
Sjálfstæðisflokkurinn mælst með minna en 20 prósent fylgi samfleytt í meira en ár
Vinstri græn hafa aldrei mælst með minna fylgi í könnun Maskínu og yrðu minnsti flokkurinn á þingi ef kosið yrði í dag, ef þau kæmust yfir höfuð inn. Samfylkingin mælist nú stærri en nokkru sinni áður á kjörtímabilinu og Miðflokkurinn er stöðugur í kjörfylgi sínu frá 2017.
„Við erum ekki í Amazon – við erum á Íslandi“
Stórtæk skógrækt á Íslandi gæti samkvæmt niðurstöðum nýrrar rannsóknar skilað litlum ef nokkrum ávinningi fyrir loftslagið. „Það er ekki hægt að gróðursetja bara tré og ætla þannig að redda málunum og bjarga heiminum,“ segir Pawel Wasowicz, doktor í grasafræði. Náttúran sé ekki einföld og á hana ekki hægt að leika.
Vextir þriðjungs allra óverðtryggðra lána til heimila landsins losna brátt
Í nýjustu mánaðarskýrslu Húsnæðis- og mannvirkjastofnunar er sagt frá því að meirihluti eftirstandandi óverðtryggðra lána á föstum vöxtum munu koma til endurskoðunar á næstu misserum. Frá og með júlí og til og með ágúst á næsta ári munu vextir losna á óverðtryggðum lánum fyrir samanlagt 410 milljarða króna. Það er rúmlega þriðjungur af öllum óverðtryggðum lánum til heimila landsins.
Án endurgreiðslunnar hefði útgáfa íslenskra bóka sennilega hrunið
Salan á nýjum bókum í prentuðu formi hefur dregist mjög mikið saman og hratt. Sigþrúður Gunnarsdóttir, framkæmdastjóri Forlagsins, telur að án endurgreiðslunnar núna væri staðan skelfileg. Nýlega var tekin saman skýrsla á vegum Menningar- og viðskiptaráðuneytisins um áhrif þessara laga sem sýni ótvírætt: „að án endurgreiðslunnar hefði útgáfa íslenskra bóka sennilega hrunið.“
Truflaði ávarp utanríkisráðherra og krafðist svara vegna Gaza
Kona kallaði að utanríkisráðherra á ráðstefnu í morgun og spurði hvers vegna stjórnvöld hefðu ekki fordæmt árásir Ísraelshers á Gazasvæðið. Ástþór Magnússon forsetaframbjóðandi var í salnum og klappaði fyrir konunni.
Forsetaframbjóðendur mætast í Pressu
Fjórir frambjóðendur til embættis forseta Íslands mæta í beina úsendingu í Pressu á föstudag. Þátturinn verður sendur út klukkan 10.00 frá ritstjórnarskrifstofu Heimildarinnar. Katrín Jakobsdóttir, Baldur Þórhallsson, Jón Gnarr og Halla Hrund Logadóttir sitja fyrir svörum.
Bastarden (ásamt Ingu Steinunni og Hákoni Erni)
Kjartan og Magnús fá til sín spunaleikarana og grínistana Ingu Steinunni og Hákon Örn til að rýna í kvikmyndina Bastarden með Mads Mikkelsen í aðalhlutverki.
Samfylkingin boðar aukin auðlindagjöld og nýtingu virkjunarkosta
Samfylkingin hefur tilkynnt að hún vilji auka ársframleiðslu á raforku um 5 TWh á tíu árum, koma á almennu auðlindagjaldi og stórauka uppbyggingu innviða svo sem samgangna.
Fiðrildi með kulnun sem lærði að hlusta á líkamann
Kara Elvarsdóttir lýsir sjálfri sér sem fiðrildi og kvíðakerlingu. Hún hefur alltaf átt erfitt með að segja nei við nýjum tækifærum sem leiddi til þess að hún fór í kulnun. Vegferðin hefur hins vegar leitt hana á betri stað og í dag leiðir hún hóp kvenna sem hreyfa sig meðvitað. En hvað er meðvituð hreyfing?
Milljarðar kvenna sem passa ekki inn í útlitsboxið
Þó svo að hættulega grannt „heróín-lúkk“ sé ekki lengur í tísku og að Bridget Jones sé ekki lengur talin feit, eru útlitskröfur til nútímakvenna enn óraunhæfar, segir prófessor í félagssálfræði. Hún er þó bjartsýn: „Ég þekki ekki dæmi um að áður hafi verið kynslóð sem er vísvitandi að berjast gegn því að fólk sé smánað út af útliti.“
Margt bendir til þess að bensínverð geti farið að hækka skarpt
Innkaupaverð á olíu hefur hækkað og hlutur olíufélaga í hverjum seldum lítra af bensín lækkað. Það bendir til þess að verðhækkanir gætu verið í kortunum.
Hringur af sjókví hjá Arnarlaxi fauk í óveðri og rak á land
Arnarlax varð fyrir því óhappi um helgina að hringur af sjókví frá fyrirtækinu fauk á haf út við flutning á honum. Björn Hembre, forstjóri Arnarlax, segir að ekkert tjón hafi orðið á fólki eða útbúnaði vegna þessa.
Birgir segir mistök að ekki sé gert ráð fyrir nýrri kvennadeild á nýja Landspítalanum
Í störfum þingsins ræddu þingmenn ýmis mál. Diljá Mist Einarsdóttir gagnrýndi Samfylkinguna, Birgir Þórarinsson benti á mygluvandamál Landspítalans og sérstaklega þá stöðu sem er komin upp á kvennadeildinni. Gagnrýndi hann að ekki væri gert ráð fyrir nýrri kvennadeild í byggingu nýja Landspítalans. Jóhann Páll Jóhannesson benti á að eins og staðan er í dag geti smálánafyrirtæki notfært sér neyð fólks og grætt á þeirra stöðu.
Athugasemdir