Auglysingin hverfur eftir stutta stund...
Loka

Blogg

Verum ekki meðvirk með Erdogan!

Hvað munu íslensk stjórnvöld gera ef það fæst staðfest að friðarsinninn og aktívistinn Haukur Hilmarsson er látinn, myrtur í hinni glæpsamlegu árás tyrkneskra stjórnvalda á Afrin?

Þetta er spurning sem verður vonandi tekin fyrir á þingi, í utanríkismálanefnd og ef íslenskur ríkisborgari hefur sannarlega verið myrtur af tyrkneskum stjórnvöldum þá krefst það aðgerða af hálfu utanríkisráðherra.

Þegar árásin í Afrin átti sér stað boðaði utanríkisráðherra Frakka,  Jean-Yves Le Drian, til neyðarfundar í öryggisráðinu. Bæði hann og forsetinn tjáðu sig um málið, Emmanuel Macron sagðist líta á þetta alvarlegum augum sem vandamál fyrir Frakkland og Jean Yves sagði að Ankara (höfuðborg Tyrklands) ætti ekki að bæta gráu ofan á svart: „Ensuring the security of its borders does not mean killing civilians and that should be condemned. In a dangerous situation in Syria, (Turkey) should not add war to war.“

Fjölmargar aðrar þjóðir auk Frakka fordæmdu aðgerðina sem brot á fullveldi Sýrlands, með jafnvel hvassari orðum. Við þurfum að láta heyra í okkur líka.

Guðlaugur Þór er í góðri stöðu til að vanda um fyrir Erdogan. Hann átti þátt í því að sjálfstæðisflokkurinn gengi inn í alþjóðasamtök íhaldsmanna þar sem flokkur Erdogans Tyrklandsforseta, AKP (réttlætis og þróunarflokkurinn) er einnig meðlimur.

Er Íslandi stætt að vera í stjórnmálasambandi við Tyrkland ef Tyrkir virða ekki landamæri Sýrlands og stuðla að auknum óstöðugleika og ófriði á svæðinu? Þessi spurning er stór og mikilvæg óháð því hvort íslenskur ríkisborgari hafi látið lífið í ólögmætri árás Tyrkja eða ekki.

Getum við þolað þjáningar Kúrda í algjörri þögn, eða eigum að þora eins og forðum þegar við vorum fyrst allra til að viðurkenna sjálfstæði Eystrasaltsríkjanna? Eigum við að þora að tala fyrir réttindum almennra borgara og fordæma svívirðilega hegðun tyrkneskra stjórnvalda?

Mér finnst þetta ekki erfið spurning. Við skulum ekki vera meðvirk með Erdogan.

(Mynd sem fylgir grein er eftir listakonuna Zehra Dogan, sem situr inni í fangelsi í Tyrklandi fyrir þetta málverk, ásökuð um hryðjuverkaáróður).

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika

Greining

Miðflokkurinn er stærsta popúlíska hreyfing Íslands

Fréttir

Greiðsluþakið hækkað þrátt fyrir loforð um lækkun

Fréttir

„Mjög gott samráð“ milli ráðuneyta en töldu ekki ástæðu til að láta Norðurlöndin vita

Fréttir

Stundin fær fjölmiðlaverðlaun götunnar

Mest lesið í vikunni

Úttekt

Laun íslenskra bæjarstjóra hærri en í erlendum stórborgum

Fréttir

Sósíalistar vilja afnema greiðslur slökkviliðsins til borgarstjóra

Fréttir

Bróðir Hauks handtekinn fyrir að flagga tyrkneska fánanum á Stjórnarráðshúsinu

Fréttir

Vildi ekki verða „húsþræll“ í vinstri- og miðjusamstarfi en myndaði atkvæðablokk með Sjálfstæðisflokknum

Viðtal

Næturnar voru algert helvíti

Fréttir

Salan á GAMMA: Fyrirtækið hefur glímt við rekstarerfiðleika