Blogg

Eru hlustendur Útvarps Sögu með kynlíf á heilanum?

Í gær fór upptaka af umræðum á Útvarpi Sögu um svokallaða „hinsegin fræðslu“, sem bæjarstjórn Hafnarfjarðar hyggst taka upp í grunnskólum bæjarins, eins og stormsveipur um internetið. Þau sem hringdu inn virtust öll hafa miklar áhyggjur af þessum fyrirætlunum bæjaryfirvalda.

Þetta er bara klám!“, „Er þetta sýnikennsla? Er þetta verkleg kennsla? Þarna á að sýna þeim eða kenna þeim eða káfa á þeim.“ sögðu þau. Gylfi Ægisson tók í sama streng í viðtali á útvarpsstöðinni í dag og sagði að það væri perraskapur að „hræra“ í sex ára börnum.

„Ætla þeir að sýna hvernig þeir eðla sig? Ég myndi bara spyrja þessa 19 ára stelpu hvort hún ætli að gera það. Mér finnst að hún ætti að sýna hvernig hún og hennar lesbía myndu eðla sig fyrir framan börnin.“

Sagan um býflugurnar og blómin

Auðvitað hefur Hafnarfjarðarbær ekkert í hyggju sem er í líkingu við það sem þau virðast halda. En bara það að þessu fólki detti það í hug að það eigi að fara fram sýnikennsla lýsir hugarástandi þess best. Ekki myndi þeim detta í hug að börnin yrðu krossfest í kristinfræði, eða látin ljóstillífa í náttúrufræði?

Sem betur fer eiga flest börn foreldra sem fæða þau og klæða og veita þeim ást og umhyggju. Börn eru eðlilega forvitin um samfélagið og líta upp til foreldra sinna. Mamma og pabbi eru saman útaf því að þau elska hvort annað. Þetta er líklega eitthvað sem allir foreldrar sem eru saman hafa sagt við börnin sín. Börnin horfa svo á Disney myndir með prinsessum og prinsum og lesa bækur í skólanum sem eru uppfullar af gagnkynhneigðum fyrirmyndum.

Svo kemur það. „Það er stelpa í skólanum sem á tvær mömmur,“ segir eitthvað barn við matarborðið.

„Sumir krakkar eiga tvær mömmur eða tvo pabba“ yrði væntanlega samantektin á hinsegin fræðslu á yngsta stigi grunnskóla og vonandi hjálpar það til að koma í veg fyrir að þeir krakkar sem eiga hinsegin foreldra lendi í einelti út af því. Þessi litla viðbót við skólakerfið myndi svo sannarlega ekki umturna skólakerfinu. Hún myndi samt líklega stuðla að því að börn væru meðvitaðari um fjölbreytileika mannlífsins og gera lífið auðveldara fyrir þau börn sem eiga hinsegin foreldra eða eru hinsegin sjálf.

En ef ég hef dregið einhvern lærdóm af atburðum síðustu daga þá er hann sá að miðað við þann klámfengna hugarheim þeirra sem hringdu inn á Útvarp Sögu, þá er þetta nákvæmlega fólkið sem ég myndi aldrei treysta til að hugsa um börn.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Jón Steinar þrýsti á að Robert Downey fengi uppreist æru „eftir þá hrakninga sem hann lenti í“

Fréttir

Guðni mátti ekki sjá minnisblöð um Downey og Hjalta: „Ber að eyða því í pappírstætara“

Fréttir

Frásagnir kvenna í læknastétt: „Það þarf nú bara að þvinga lykkjuna upp á ykkur “

Pistill

Með bakið upp við vegginn

Fréttir

Pressan borgaði ekki af jeppa Björns Inga og stefnir í þrot út af ógreiddum iðgjöldum starfsmanns

Pistill

Hvernig er hægt að losna við Trump?

Mest lesið í vikunni

Rannsókn

„Skelfilegar sögur“ úr Kvikmyndaskóla Íslands

Fréttir

Áralangar deilur innan fjölskyldu Ásmundar Einars hafa ratað til lögreglunnar

Fréttir

Björn Ingi keypti hús með auglýsingasamningi og kúlulánum frá GAMMA

Fréttir

Jón Steinar þrýsti á að Robert Downey fengi uppreist æru „eftir þá hrakninga sem hann lenti í“

Fréttir

Guðni mátti ekki sjá minnisblöð um Downey og Hjalta: „Ber að eyða því í pappírstætara“

Pistill

Okkar eigin Weinstein