Þessi færsla er meira en 2 ára gömul.

Aðeins um textann "Hatrið mun sigra"

Í tilefni þess að Hatari gaf nýverið út breiðskífuna Neyslutrans hendi ég þessum texta inn sem ég skrifaði á sínum tíma vegna þátttöku Hatara í Söngvakeppni evrópskra sjónvarpsstöðva.

Mun "Hatrið mun sigra" vinna söngvakeppni ástarinnar?

Þegar kemur að umfjöllun um Söngvakeppni evrópskra sjónvarpsstöðva er ráðlegt að byrja á klisjum. Þetta er keppnin sem allir elska að hata (en elska samt), þetta er keppnin sem allir Íslendingar fylgjast með hvort sem þeir viðurkenna það eður ei, þetta er keppnin þar sem lýsingarorðin hallærislegur, yfirdrifinn, öfgakenndur, undarlegur og afbrigðilegur eru ekki hnjóðsyrði. Ekki endilega. Í keppninni eiga fríkin sinn samastað og dansa friðsamlega, sturluð af gleði, við hliðina króatískum þjóðernisbullum og hommahöturum með húðflúr sem segir: Bog i Hrvati (Guð og Króatar) og myndu allajafna berja hraust- og einstaklega karlmannlega á öllum þeim karlmönnum sem finna til örvunar við að sjá karlmannsrass. Búbbur og sköp sleppa þó alltaf. Þetta er keppnin þar sem konur mega vera menn og menn konur eða eitthvað þarna á milli. Stjórnmálum er allajafna ekki blandað inn í þennan hömlulausa óð til gleðinnar. Brexit-sinnar og Evrópusinnar, Norður-Írar og Írar, Frakkar og Þjóðverjar, Tyrkir og Kúrdar haldast hönd í hönd og kyrja Ein bisschen Frieden ein bisschen Sonne, Pútin og Orbán-sleikipinnar líta ástúðlega á samkynhneigðan múslimskan BDSM-araba í búrku þar sem skorin hafa verið út göt til að sýna þjóhnappana. Og allir elska Conchitu Wurst, meira að segja Sebastian Kurz í Austurríki og AFD í Þýskalandi og saman syngja þau þetta lag með andlega standpínu (JBH-standpína yrði sannlega kærð, svo mikið er umburðarlyndið ekki). Kurzum allir eiga sinn stað á evrópsku sönglagasviði, líka jaðarfólkið sem allajafna þarf að dvelja í skúmaskotunum með sitt meinta óeðli og afbrigðileika. Reyndar eru einhverjir á því að gyðingar eigi ekki heima þar, guðsútvalda þjóð er svo sem alltaf litin hornauga. Fátt fær því víst breytt. Meira að segja hommar, fjöldamorðingjar og barnaníðingar leggja fæð á þá (sumir, það má ekki alhæfa). 

 

En hvað um það. Þetta er keppni sem hefir þróast á þann veg að allt er mögulegt svo lengi sem það sé gert á þrem mínútum. 

 

Nú vill svo til að íslenski and-kapítalíski BDSM tekknó-gjörnings listahópurinn Hatari tekur þátt í undankeppninni fyrir téða keppni með laginu „Hatrið mun sigra“. Er það eitt tíu laga sem valin voru úr innsendum lögum. Verði lagið og hópurinn hlutskarpastur og taki því þátt í keppninni sem fram fer í Ísrael má búast við því að þeim verði mætt með áhuga en jafnframt ást og vinsemd eins og til siðs telst. Hatri verði mætt með ást, allrahanda ást, jafnvel pervertískri ást ef svo ber undir. 

 

Auðvitað verður slíkt í hrópandi mótsögn við nafngift lags svo og innihald texta. Já, es ist so, dass sogar ein Lied des Teufels angehimmelt werden kann í þessari keppni ástarinnar. Þið munið jú eftir Lordi, ekki satt? Gildir einu hvað Margrét Friðsriksdóttir hefir um málið að segja. Henni veitti ekki af fjölþjóðlegu, bullandi margkynlegu knúsi. En það er önnur saga sem ekki verður rakin hér.

 

En kannski er það einmitt málið. Kannski þurfa hnokkarnir í Hatara bara ást og umhyggju, ísraelskt og evrópskt faðmlag. Kannski er lagið og allir þeirra gjörningar bara hróp á ást og umhyggju, að stríðandi hópar, og þar eru Palestínumenn og Ísraelar ekki undanskyldir, læri að elska, læri guðsótta og góða siði. Það nægði líka alveg ef þeir létu af því að drepa hver annan. Hér verður ekki rakin deila Palestínu og Ísraels með öllum þeim mannvígum og hatri sem hlotist hafa af viðskiptum þeimi. Hér er ætlunin að líta aðeins á texta þann sem öskraður og sunginn er af þeim blessuðu Höturum sem þann starfa innan hópsins hafa að öskra og syngja.

 

En áður en það verður gjört er rétt, af því að „Ordnung muss sein“, að leitast við að hólfa hópinn, finna honum stað. Sá staður er ekki í lestarvagni á leið til Póllands. Það er fremur að þeir standi fyrir utan þann vagn. Nei, hér er ekki ætlunin að ætla að hópurinn aðhyllist fasíska/nasíska hugmyndafræði. Útlitslega er þó jafn ljóst og sólarkrossinn að sótt er í fasíska smiðju. Ekki þarf heldur stórkostlegt hugmyndaflug til að tengja það hvernig textarnir eru öskraðir við alræmdan öskurapa sem gekk af Weimar-lýðveldinu dauðu á sínum tíma og hélt svo í víking um heiminn.

 

Ef finna ætti aðrar sveitir sem róið hafa á svipuð mið liggur beinast við að minnast á hina þýsku Rammstein og hina slóvensku Laibach (til gamans má geta að Laibach ku hafa verið fyrsta vestræna sveitin til að spila í Norður-Kóreu). 

 

Fyrrnefnda sveitin hefir ekki verið femin við klámfengni (gerði meira að segja klámtónlistarmyndband við „Pussy“ af plötunni Liebe ist für alle da. Hér er soft-útgáfuna að finna) Hatara má einnig spyrða við klámfengni þótt hópurinn sé kórdrengurinn í kaþólsku kirkjunni og Rammstein presturinn þegar kemur að samanburði. Alltént kemur hópurinn fram í BDSM-búningum eður klæðnaði sem hrópar fasismi jafnhátt og Motörhead spilaði. Spilaði bandið það alveg á ellefu. Einhvern tímann var þetta kallað sjokk-rokk (hér sjokk-teknó kannski) en eitthvað hefir sá þröskuldur hækkað síðan Lorena Bobbitt skar tillann af John Wayne Bobbitt um árið. 

 

Ef litið er til texta Hatara liggur beinast við að skella heimsósómastimplinum á þá. Öskrað/sungið er um spillingu, fasisma, auðvaldshyggju, neysluhyggju í lögunum „Spillingardans“og „X“ svo og fleiri lögum. Má freistast við að líta á gjörninginn sem mótmæli, gagnrýni, skilaboðin hoppaðu upp í óæðri endann á þér ljóti heimur. Drungaleg, hrynjandi, hávær teknótónlistin gerir einnig sitt til að kalla fram þá stemmningu. Það er Fuck the system í þessu. Hatari er þó ekki, að er virðist, á anarkískum slóðum líkt og til að mynda hættulegasta hljómsveit Bretlands, Crass, var á sínum tíma. Óljóst er og hvort þeir ætli sér að stuðla að breytingum með list sinni. Klárlega fjallar Hatari um dekkri hliðar mannlífsins, vissulega um hatur, græðgi og dauða og Davíð Oddsson (ekki beint þó). Hatari fjallar um þessar hliðar innan frá, þeir standa ekki fyrir utan neyslusamfélagið, eru í því miðju, og eru því eins konar paródía á sjálfa sig svo og auðvitað samfélagið sem þeir lýsa. Kannski heldur hann upp spegli sem við getum speglað okkur í. Kannski Hatari sé bara á grínaktugum slóðum og eigi það kannski sammerkt með HAM. Textar HAM eru oftlega óttalegt bull og drungi laganna rímaði oft engan veginn við innhald textanna. Kannski horfir Hatari á heiminn brenna og spilar undir. Kannski er þetta tónlist ragnaraka, tónlist heims á leið til helvítis. En nóg af þessu. Ráð að skoða textann.

Hatrið mun sigra (Textinn var fengin héðan)

Svallið var hömlulaust

Þynnkan er endalaus

Lífið er tilgangslaust

Tómið heimtir alla

 

Hér er hvorki sungið/öskrað um sól og sumarylfegurðina, blómin og guðdóminn. Hér er ekki sungið um teiti sem fór úr böndunum. Og þó. Kannski er einmitt verið að syngja um gleðskap sem fór úr böndunum. Kannski er einmitt sungið um neysluhyggju (notum það sem samnefnara) sem keyrð var svo í botn að ekkert blasir við nema gínandi tómið og tilgangsleysi alls. Það eru eftirstöðvar gleðskapsins. Og ef allt er tilgangslaust þá hefir ekkert gildi og hafi ekkert gildi má allt eins leyfa hatrinu að leika lausum hala. Nota það til að ásælast meira, meira og meira (hér er kannski verið að oftúlka).

 

Hatrið mun sigra

Gleðin tekur enda

Enda er hún blekking

Svikul tálsýn

 

Einfalt, skýrt, skorinort, auðskiljanlegt flestum nema e.t.v. íslenskum bófa-rappara sem spyr sig hvar tíkurnar séu og íslenskum gleðipoppara sem skilur ekkert. Gleði öll tekur sannlega enda og krossfestingar leiða ekki alltaf til frelsunar. Gleiðiglaumur Geimundarson býður upp í dans, dans gleðinnar og fjörsins. Dans sem er tilgangslaus, blekking ein og gleðisnauður. Máski var gleðin ríkjandi um hríð en svo taka timburmennirnir við, afleiðingarnar. Heimurinn vaknar við að Donald Trump og Kim Jong-un tvímenna móður náttúru án forleiks.

 

Allt sem ég sá

Runnu niður tár

Allt sem ég gaf

Eitt sinn gaf

Ég gaf þér allt

 

Viðlag í fyrstu persónu. Spurning hver hér mælir. Grátur og gnístran tanna. Er þetta völvan?, Guð? Kannski Guð Ísraelsmanna, Kannski Allah eða einhver annar Guð. Í ljósi versana og hvernig röddin virkar klökk í laginu mætti leiða líkur að því að einhver sé hryggur mjög yfir því hvernig ástatt sé, hvernig mannkindin hagi sér með sínum múrum og bræðravígum og systrahópnauðgunum.

 

Alhliða blekkingar

Einhliða refsingar

Auðtrúa aumingjar

Flóttinn tekur enda

Tómið heimtir alla

 

Hjarðdýrahvötin. Fólk gleypir við öllu, trúir því sem kemur því best, svo halda megi það hófinu áfram, flýr veruleikann uns keyrt er fram af brúninni. Það er alltaf nýtt teiti sem tekur við af hinu fyrra. Við verðum að finna aðra plánetu til að halda partíinu gangandi.* 

 

Hatrið mun sigra

Evrópa hrynja

Vefur lyga

Rísið úr öskunni

Sameinuð sem eitt

 

Jú,fjandinn hafi það. Eru þetta ekki heimsslit? Fjandinn hirði þig í nafni Allah, Búdda og Dali Lama. Síðustu tvær línurnar benda samt sem áður til þess að von sé. Að byggja megi eitthvað eftir hrunið. Að standa megi fólkið sameinað á rústunum. Iðagræn jörð rísi úr sæ. 

 

Allt sem ég sá

Runnu niður tár

Allt sem ég gaf

Eitt sinn gaf

Ég gaf þér allt

 

Allt sem ég sá

Runnu niður tár

Allt sem ég gaf

Eitt sinn gaf

Ég gaf þér allt

 

Um viðlag þarf ekki að hafa fleiri orð.

 

Hatrið mun sigra

Ástin deyja

Hatrið mun sigra

Gleðin tekur enda

Enda er hún blekking

Svikul tálsýn

 

Hatrið mun sigra

 

Vonin varði stutt. Eina nýja línan hér er ástin mun deyja. Ástin deyr líkt og annað og sennilega er hún aukinheldur tálsýn, föl tálsýn á 50 evrur í Rauða hverfinu í Amsterdam eða fyrir Happy Meal á MacDonalds. Ja, fjandinn sjálfur. Hatrið mun sigra.

 

*Hér er vitnað í kvikmynd Júlíusar Kemps BLOSSI 810551

 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið á blogginu

Stefán Snævarr
1
Blogg

Stefán Snævarr

Björn Jón sem álits­gjafi

Ég hef mik­ið álit á álits­gjaf­an­um Birni Jóni Braga­syni. Hann er góð­ur penni, mál­efna­leg­ur og rök­fast­ur. Ekki síst er hann bend­ir á aga­leysi Ís­lend­inga, á virð­ing­ar­leysi fjölda  þeirra fyr­ir móð­ur­mál­inu og ágæti þess að kunna þýsku. Hon­um mæl­ist líka vel þeg­ar hann seg­ir að í Rus­hdie­mál­inu hafi alltof marg­ir álits­gjaf­ar þag­að af ótta við að telj­ast órétt­hugs­andi. Og þeg­ar...
Gunnar Hólmsteinn Ársælsson
2
Blogg

Gunnar Hólmsteinn Ársælsson

Eystra­salts­rík­in: Mál­stað­ur þeirra er okk­ar

Fyr­ir skömmu komu for­set­ar þjóð­anna við Eystra­salt­ið; Lett­lands, Lit­há­ens og Eist­lands hing­að til lands til að fagna því að 30 (31) ár voru lið­in frá því að þau öðl­uð­ust frelsi og losn­uðu und­an járn­hæl Sov­ét­ríkj­anna (1922-1991). Ís­land tók upp stjórn­mála­sam­band við rík­in þrjú þann 26.ág­úst ár­ið 1991. Þá var yf­ir­stað­in mis­heppn­uð vald­aránstilraun gegn þá­ver­andi leið­toga Sov­ét­ríkj­anna, Mikail Gor­bat­sjov, en hann lést 30.8 2022. Ís­land, með þá­ver­andi...
Gunnar Hólmsteinn Ársælsson
3
Blogg

Gunnar Hólmsteinn Ársælsson

Raf­magn­að­ar kosn­ing­ar í Sví­þjóð 11.sept­em­ber?

Raf­magns­kosn­ing­arn­ar? Kannski verð­ur það nafn­ið sem þing­kosn­ing­arn­ar ár­ið 2022 í Sví­þjóð verða kall­að­ar í sögu­bók­um fram­tíð­ar­inn­ar, sem fara fram næsta sunnu­dag, 11. sept­em­ber. Það er að sjálf­sögðu vegna stríðs­ins í Úkraínu og þeirra hrika­legu hækk­ana á orku­verði sem nú tröll­ríða Evr­ópu. Marg­ir Sví­ar eru komn­ir að sárs­auka­mörk­um varð­andi raf­orku­verð og það mik­ið rætt í kosn­inga­bar­átt­unni. En það er fleira sem...
Stefán Snævarr
4
Blogg

Stefán Snævarr

ÞRjÚ MEG­IN­VERK HUNDRAÐ ÁRA: Tractatus, Ulysses og The Waste Land

Á þessu ári eru hundrað ár lið­in síð­an þrjár af áhrifa­mestu bók­um síð­ustu ára­tuga komu út. Fyrsta skal fræga telja skáld­sögu James Joyc­se Ulysses, þá ljóða­bálk T.S.Eliots The Waste Land og að lok­um heim­spekiskruddu Ludwigs Witt­genstein, Tractatus Logico-Phi­losophicus. Tractatus eða lógíska ljóð­ið Síð­ast­nefnda rit­ið kom strangt tek­ið út ári fyrr, þá á þýska frum­mál­inu Log­isch-phi­losophische Abhandl­ung. En fræg­ust varð hún...

Nýtt á Stundinni

Sjómaður í leit að föður sínum
Viðtal

Sjómað­ur í leit að föð­ur sín­um

Mika­el Tam­ar Elías­son er 36 ára þriggja barna fað­ir, vél­stjóri og skáld í leit að blóð­föð­ur sín­um. Hann ólst upp hjá ömmu sinni fyr­ir vest­an, missti ætt­ingja sína í bruna 15 ára gam­all og týndi sjálf­um sér í vímu­efna­neyslu um tíma. Sjór­inn lokk­ar og lað­ar en hann lenti í hættu þeg­ar brot skall á bát­inn.
Hafnaði peningum og fylgdi áhuganum
Fólkið í borginni

Hafn­aði pen­ing­um og fylgdi áhug­an­um

Ei­rík­ur Hilm­ar Ei­ríks­son þurfti að velja á milli pen­ing­anna og áhug­ans á sagn­fræði. Sagn­fræð­in sigr­aði að lok­um.
Þarf að tala um vændi sem ofbeldið sem það er
Viðtal

Þarf að tala um vændi sem of­beld­ið sem það er

Þeg­ar kona sem var sam­ferða henni í gegn­um hóp­astarf Stíga­móta fyr­ir­fór sér ákvað Eva Dís Þórð­ar­dótt­ir að stíga fram og segja frá reynslu sinni af vændi. Bæði til að veita þo­lend­um von um að það væri leið út úr svart­nætt­inu en líka til að vekja sam­fé­lag­ið til vit­und­ar, reyna að fá fólk til að taka af­stöðu og knýja fram að­gerð­ir. Af því að lifa ekki all­ir af. Og hún þekk­ir sárs­auk­ann sem fylg­ir því að missa ást­vin í sjálfs­vígi.
Vill allt að tveggja ára fangelsi við því að vera drukkinn á rafhlaupahjóli
Fréttir

Vill allt að tveggja ára fang­elsi við því að vera drukk­inn á raf­hlaupa­hjóli

Sig­urð­ur Ingi Jó­hanns­son inn­viða­ráð­herra vill að börn­um und­ir þrett­án ára verði bann­að að nota raf­hlaupa­hjól og að allt að tveggja ára fang­elsi liggi við því að aka slíku far­ar­tæki und­ir áhrif­um áfeng­is. Í sama frum­varpi eru reiðstíg­ar skil­greind­ir fyr­ir bæði knapa og gang­andi.
Afleiðingar kynferðisofbeldis og veikindi orsökuðu alvarlegt fæðingarþunglyndi
Reynsla

Af­leið­ing­ar kyn­ferð­isof­beld­is og veik­indi or­sök­uðu al­var­legt fæð­ing­ar­þung­lyndi

Með­ganga Lís­bet­ar Dagg­ar Guðnýj­ar­dótt­ur ein­kennd­ist af gríð­ar­legri van­líð­an bæði and­lega og lík­am­lega. Af­leið­ing­ar þess­ar­ar miklu van­líð­an­ar urðu til þess, að mati Lís­bet­ar, að hún átti í mikl­um vand­ræð­um með að tengj­ast ný­fæddri dótt­ur sinni og glímdi í kjöl­far­ið við heift­ar­legt fæð­ing­ar­þung­lyndi.
Lísbet Dögg - „Ég mun ekki eiga neitt líf eftir þetta“
Eigin Konur#107

Lís­bet Dögg - „Ég mun ekki eiga neitt líf eft­ir þetta“

Lís­bet varð ólétt 19 ára og eign­að­ist barn­ið fjór­um dög­um fyr­ir út­skrift en hún út­skrif­að­ist úr FSu. Hún varð fyr­ir kyn­ferð­isof­beldi sumar­ið fyr­ir frama­halds­skóla og var með ger­and­an­um í skóla hálfa skóla­göng­una “Ég þurfti að setja fé­lags­líf­ið mitt á pásu af því að hann var þarna” seg­ir Lís­bet í þætt­in­um og seg­ir FSu ekki hafa tek­ið á mál­inu og hún hafi þurft að mæta ger­anda sín­um á göng­un­um. Lís­bet var greind með þung­lyndi, kvíða og áfall­a­streiturösk­un og í kjöl­far­ið varð hún ólétt 19 ára. „Ég grét alla daga útaf van­líð­an og ég náði ekki að tengj­ast stelp­unni minn […] Mér fannst hún eig­in­lega bara fyr­ir,“ Seg­ir hún í þætt­in­um og bæt­ir við að henni hafi lið­ið eins og hún væri öm­ur­leg móð­ir. „Þeg­ar ég var bú­in að fæða að þá fékk ég ekki þessa til­finn­ingu að ég væri glöð að sjá barn­ið mitt, hún var lögð á bring­una á mér og ég hugs­aði bara: hvað nú?“
Eru Íslendingar Herúlar?
Flækjusagan#50

Eru Ís­lend­ing­ar Herúl­ar?

Ill­ugi Jök­uls­son var spurð­ur í Bón­us einu sinni, og síð­an á Face­book, hvenær hann ætl­aði að skrifa um Herúla­kenn­ing­una. Ekki seinna en núna!
Brim kaupir veiðiheimildir og frystitogara af forstjóranum
Fréttir

Brim kaup­ir veiði­heim­ild­ir og frysti­tog­ara af for­stjór­an­um

Út­gerð­ar­fé­lag Reykja­vík­ur, sem er að uppi­stöðu í eigu Guð­mund­ar Kristjáns­son­ar, for­stjóra Brims, hef­ur selt Brimi veiði­heim­ild­ir og frysti­tog­ara í 12,7 millj­arða króna við­skipt­um. Fé­lög­in, sem ekki eru tengd­ir að­il­ar sam­kvæmt fisk­veið­i­stjórn­un­ar­lög­um, hafa áð­ur átt í millj­arða við­skipt­um til að koma Brimi und­ir há­marks­þak veiði­heim­ilda.
Allt hefur merkingu, ekkert hefur þýðingu
MenningHús & Hillbilly

Allt hef­ur merk­ingu, ekk­ert hef­ur þýð­ingu

Á sýn­ingu sinni bein­ir mynd­list­ar­kon­an Jóna Hlíf at­hygl­inni að áferð orð­anna, þeim hluta tungu­máls­ins og mót­un­ar þess, sem fer fram á óræðu svæði milli skynj­un­ar og hugs­un­ar.
Björk útskýrir hvers vegna hún sakar Katrínu um óheiðarleika
Fréttir

Björk út­skýr­ir hvers vegna hún sak­ar Katrínu um óheið­ar­leika

Björk Guð­munds­dótt­ir lagði til við nátt­úru­vernd­arsinn­ann Grétu Thun­berg að ræða við Katrínu Jak­obs­dótt­ur for­sæt­is­ráð­herra áð­ur en þær héldu blaða­manna­fund með áskor­un um að lýsa yf­ir neyð­ar­ástandi í um­hverf­is­mál­um. Orð Katrín­ar sann­færðu þær um að það væri óþarft, en Björk seg­ir hana hafa sýnt óheið­ar­leika.
Hvað eru hryðjuverk?
FréttirHryðjuverkaógn á Íslandi

Hvað eru hryðju­verk?

Aldrei áð­ur hef­ur lög­regla ráð­ist í að­gerð­ir vegna gruns um hryðju­verka­ógn á Ís­landi. Lífs­tíð­ar­fang­elsi get­ur leg­ið við hryðju­verk­um, sam­kvæmt ís­lensk­um lög­um.
Grunur um tengsl við norræna hægri öfgahópa
FréttirHryðjuverkaógn á Íslandi

Grun­ur um tengsl við nor­ræna hægri öfga­hópa

Ís­lend­ing­arn­ir fjór­ir sem hand­tekn­ir voru í gær grun­að­ir um að skipu­leggja hryðju­verka­árás hér á landi eru tald­ir hafa tengsl við nor­ræna hægri öfga­hópa. Fjöldi hálf­sjálf­virkra skot­vopna voru gerð upp­tæk í að­gerð­um gær­dags­ins.