Þessi færsla er meira en 8 ára gömul.
Ó þið þarna vesalings forréttindapungar og píkur!
Heimspressan dælir inn fréttum af fólki sem ýmist kafnar í vöruflutningabílum eða drukknar við að reyna koma sér frá stríðshrjáðum heimilum sínum.
Landamærum er skellt í lás, núna þegar það ætti að galopna þau til að bjarga mannslífum.
Og alveg jafn hratt dælast inn andstyggilegheitin frá löndum okkar.
Fjölmennastur er hópurinn sem telur okkur eiga svo erfitt að við séum bara ekki aflögufær til að rétta út hjálparhönd í átt til fólks sem er svo örvinglað að það leggur af stað með börnin sín í lífshættulegt ferðalag í von um björgun.
Í einni rasista-ógeðisgrúbbunni á facebook er heimtað að við segjum okkur frá Schengen og þar fer fremstur i flokki, á meðal jafninga, formaður Hægri grænna, sem heitir Helgi Helgason.
Þið þarna forréttindapungar og forréttindapíkur! Þið hafið allt til alls.
Í samanburðinum lifið þið ekki bara í vellystingum, það drýpur smjör af hverju einasta helvítis strái.
Hunskist til að setja ykkur í spor annarra og ímynda ykkur að þetta sé ykkar fólk í þessum aðstæðum. Ykkar kynstofn, ef það er það sem þið þurfið til að finna til.
Og að lokum: ég krefst þess að ríkisstjórn Íslands komi sér saman um að taka á móti 5000 flóttamönnum frá Sýrlandi.
Og ég vænti þess að við öll, sem eitt, tækjum á móti þeim með opinn faðm og enn opnara hjarta.
Fleiri færslur frá höfundi
Hvar varst þú?
Það er þekkja allir einhverja stóratburði í samtímasögunni sem höfðu svo mikil áhrif að þeir muna nákvæmlega hvar þeir voru og hvernig þeim leið þegar fregnir bárust. Þekktasta dæmið er líklega þegar Kennedy var skotinn. Fyrir okkur er það líklega árásin á World Trade Center turnanna. Fyrir mig er það mómentið sem ég hætti að vera meðvitundarlaus og áttaði mig...
Okkar eigið Trump-Klan
Á DV birtist frétt á dögunum um íbúafund á Kjalarnesi. Sem ætti ekki að vera neitt merkilegt. Íbúar á Kjalarnesi hafa áhyggjur af börnunum sínum og maður skyldi ætla að það væri sjálfsagt að funda um það. En þessi tiltekni íbúafundur endurspeglar vel á hvaða vegferð við erum og sú vegferð er ekki bara vond. Hún er hættuleg og henni...
Kjallaraíbúð, rauðamöl, léreftstuskur og barn
Þessi blaðsíða úr Morgunblaðinu frá því 18.mars 1964 er svo sem ekkert merkileg fyrir aðra en mig. Rauðamölin sem Vörubílastöðin Þróttur var að auglýsa til sölu er væntanlega löngu seld og léreftstuskurnar sem þeim í Ísafold vantaði löngu gleymdar. Íbúðir fundnar og farnar. En þarna er samt ein lítil auglýsing sem tengist mér og mér þykir afskaplega vænt um....
Áttu pening?
Á meðan við bíðum eftir því að hæstvirt ráðherranefnd ákveði hvað við höfum pláss fyrir marga Sýrlendinga í landi allsnægtanna þá er ýmislegt sem við getum gert. Hjálparsamtök eins og Unicef og Rauði krossinn taka á móti aðstoða alla daga allan daginn. En svo eru líka Íslendingar í sjálfboðastarfi á nokkrum stöðum þar sem neyðin er hvað mest eins og...
Athugasemdir