Þessi færsla er meira en 7 ára gömul.

Umræðan leiðrétt - Loforð stjórnmálaflokka

Umræðan leiðrétt - Loforð stjórnmálaflokka

Í dag birtist frétt hér á Stundinni þar sem farið er ítarlega yfir fjármálaáætlun Viðreisnar og því haldið fram að flokkurinn vilji ekki efna útgjaldaloforð sín. Þar er auk þess sagt frá því að flokkurinn sé ekki hlynntur þeirri 40-50 milljarða kr. útgjaldaaukningu sem rætt var um í viðræðum flokkanna fimm. Fréttin fjallar svo um hvernig áætlun Viðreisnar í ríkisfjármálum gerir ráð fyrir sömu upphæð. Varðandi þetta er einna helst tvennt sem ber að setja út á:

 

1. Útgjaldaaukning um 40-50 milljarða kr. er aukning þegar fyrirhugaður 20 milljarða kr. fjárlagahalli hefur ekki verið tekinn inn í myndina. Þess vegna er þetta í raun aukning um 60-70 milljarða kr. og miðað við það sem hefur komið fram frekar efri talan sem ætti að miða við. Með öðrum orðum var verið að gagnrýna 70 milljarða kr. útgjaldaaukningu.

 

2. Hvað almannatryggingar varðar bættist skyndilega við fjármagn þar í aðdraganda kosninga. Áætlun Viðreisnar í ríkisfjármálum var kynnt áður en þetta kom í ljós. Nú er búið að fjármagna þetta að verulegu leyti og þess vegna fellur þessi 8 milljarða kr. aukning út að mestu.

 

Gagnrýnin beinist ekki að 40-50 milljarða kr. útgjaldaaukningu og það er heldur ekki sama upphæð og við leggjum nú til. Gagnrýni beinist að hátt í 70 milljarða kr. útgjaldaaukningu, á meðan okkar útgjaldaaukning nemur 38 milljörðum kr.

 

Reikningsdæmið:

 

1. 40-50 ma. kr. útgjöld + 20 ma. kr. fjárlagahalli = 60-70 ma. kr.

 

2. 14 ma. kr. heilbrigðismál + 15 ma. kr. innviðir + 9 ma. kr. menntamál  = 38 ma. kr.

 

Það er að vísu fréttnæmt að samkvæmt þessum tölum virðist VG að öllum líkindum ekki ætla að efna samþykkt loforð á heimasíðu sinni sem snúa að því að heilbrigðsútgjöld skuli nema 11% af vergri landsframleiðslu (VLF) og að þjónustan verði gjaldfrjáls. Þar stendur jafnframt að á fyrstu 100 dögum kjörtímabils ætti að ná saman um aðgerðaráætlun til þess að ná þessu markmiði fyrir árið 2020. Auk þess kemur fram í úttekt Fréttatímans fyrir kosningar og viðtali blaðsins við formenn allra helstu stjórnmálaflokka að stefnan hjá VG sé að ná þessu markmiði eftir 5 ár. Oddviti Pírata í SV-kjördæmi og einn helsti talsmaður þess flokks á sviði heilbrigðismála viðraði einnig þær hugmyndir, en nefndi ekki þó ekki tímamörk.

 

Árið 2020 mun VLF vera 2.910 milljarðar kr. á verðlagi ársins 2018 ef marka má hagspá. Þetta loforð í heilbrigðismálum mun því kosta ríkissjóð 320 milljarða kr. árið 2020. Nú eru fjárframlög ríkisins 170 milljarðar kr. og þetta myndi því þýða aukningu um 150 milljarða kr.

 

Til samanburðar hefur formaður VG rætt um 19 milljarða kr. aukningu til heilbrigðismála að undanförnu. Þá vantar enn 131 milljarða kr. til að uppfylla þetta loforð. Svo sanngirni sé gætt er hægt að draga frá þá 25 milljarða kr. sem gert er ráð fyrir í áætlun fráfarandi ríkisstjórnar. Gert er ráð fyrir að öldrun og fólksfjölgun þjóðarinnar á næstunni bæti 3-4 milljörðum kr. í viðbótarkostnað á ári. Eftir að allt þetta er reiknað nemur upphæðin þá 118-122 milljörðum kr.

 

Það er kannski bara fínt að ekki sé hægt að efna það loforð. Það myndi auðvitað gera ráð fyrir 80-86 milljarða kr. fjárlagahalla - og það bara til að fjármagna útgjaldaloforð í heilbrigðismálum. Jafnvel þó fjármunir væru til fyrir slíku yrði slíkt varla sjálfbært við núverandi stig hagsveiflunnar, líkt og kemur fram hér. Það væri ekki skynsamlegt að lækka skatta verulega eða auka útgjöld verulega miðað við núverandi þensluskeið. Stjórnmálamenn eiga að standast freistinguna og ekki láta þjóðarhag víkja fyrir skammsýnum og óábyrgum atkvæðakaupum.

 

Ríkisfjármálaáætlun fráfarandi ríkisstjórnar gerir ráð fyrir 25 milljarða kr. útgjaldaaukningu til heilbrigðismála á næsta kjörtímabili. Einnig er gert ráð fyrir að heildartekjur ríkissjóðs verði 884 milljarðar kr. árið 2020 og heildarútgjöld 848 milljarðar kr. sama ár.

 

Heildarútgjöld skv. áætlun + aukin fjárframlög til heilbrigðismála árið 2020:

 

848 ma. + 116-122 ma. (150 ma. loforð - 44 ma. úr áætlun og viðræðum + 12-16 ma. kostnaður vegna öldrunar og fólksfjölgunar) = 964-970 ma. í útgjöld

 

884 milljarða kr. tekjur

-

964-970 milljarða kr. útgjöld

=

80-86 milljarða kr. fjárlagahalli vegna útgjaldaaukningar til heilbrigðismála

 

 

Fyrir um viku síðan birtist frétt hér á Stundinni um stefnu Viðreisnar í skattamálum og ríkisfjármálum. Sú frétt einkenndist að miklu leyti af rangfærslum og villandi framsetningu. Hún var leiðrétt hér. Þessu til viðbótar er vert að benda á eftirfarandi grein sem tekur það skýrt fram að hjá Viðreisn séu málefni og stefnumál í fyrirrúmi. Það sem undirstrikar þetta er sú staðreynd að þegar viðræðum var slitið í bæði fyrri og seinni stjórnarmyndunarviðræðum voru málefni látin ráða för.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Fleiri færslur frá höfundi

Umræðan leiðrétt - Málefnin ráða för

Um­ræð­an leið­rétt - Mál­efn­in ráða för

Eft­ir að til­kynnt var um form­leg­ar við­ræð­ur milli Bjartr­ar Fram­tíð­ar, Við­reisn­ar og Sjálf­stæð­is­flokks hafa marg­ir lagt orð í belg og kom­ið með inn­legg í um­ræð­una. Þeg­ar um­ræð­an er eins víð­feðm og raun ber vitni þyk­ir lík­legt að far­ið sé með rangt mál í ein­hverj­um til­vik­um. Ný­leg frétt Stund­ar­inn­ar er dæmi um slíkt. Ég ætla því að taka það að...
Hvernig get ég flutt að heiman?

Hvernig get ég flutt að heim­an?

Hátt hlut­fall ungs fólks býr enn hjá for­eldr­um sín­um, eða nán­ar til­tek­ið 40% fólks á þrí­tugs­aldri. Það er einna helst þrennt sem tor­veld­ar ungu fólki að flytja að heim­an og veld­ur háu hús­næð­isverði; ómark­viss stuðn­ing­ur, hár bygg­inga­kostn­að­ur og há­ir vext­ir. Þær lausn­ir sem aðr­ir flokk­ar hafa boð­að að und­an­förnu taka ekki al­menni­lega á þess­um þrem­ur at­rið­um. Þvert á móti ýta þær...

Mest lesið á blogginu

Nýtt efni

Ráðning stjórnanda til MAST vekur athygli: „Ég er fagmaður"
FréttirLaxeldi

Ráðn­ing stjórn­anda til MAST vek­ur at­hygli: „Ég er fag­mað­ur"

MAST til­kynnti starfs­mönn­um sín­um um það á mið­viku­dag­inn að bú­ið væri að ráða Þor­leif Ág­ústs­son sem nýj­an sviðs­stjóra yf­ir með­al ann­ars fisk­eld­is­deild­ina hjá stofn­un­ina. Þor­leif­ur hef­ur skrif­að grein­ar þar sem hann tal­ar fyr­ir lax­eldi í sjókví­um. Þor­leif­ur seg­ist vera vís­inda­mað­ur og að hann taki ekki af­stöðu. For­stjóri MAST, Hrönn Jó­hann­es­dótt­ir vill ekki ræða um ráðn­ing­una þeg­ar eft­ir því er leit­að.
Ríkisstjórnin vill gefa kvótann í laxeldinu um aldur og ævi
FréttirLaxeldi

Rík­is­stjórn­in vill gefa kvót­ann í lax­eld­inu um ald­ur og ævi

Í frum­varpi mat­væla­ráð­herra um lagar­eldi er kveð­ið á um að lax­eld­is­fyr­ir­tæk­in í land­inu hafi „ótíma­bund­in“ rekstr­ar­leyfi til að stunda sjókvía­eldi í ís­lensk­um fjörð­um. Hing­að til hafa rekstr­ar­leyf­in ver­ið tíma­bund­in í 16 ár. Með þessu ákvæði munu stjórn­völd á Ís­landi ekki geta bann­að sjókvía­eldi án þess að baka sér skaða­bóta­skyldu gagn­vart lax­eld­is­fyr­ir­tækj­un­um.
Barist í bökkum velferðarsamfélags
Pressa#20

Bar­ist í bökk­um vel­ferð­ar­sam­fé­lags

Í 20. þætti af Pressu verð­ur fjall­að um versn­andi fjár­hags­stöðu fjölda heim­ila á Ís­landi og hvað sé til ráða. Ýms­ar kann­an­ir hafa að und­an­förnu sýnt að byrð­ar fjölda fólks hafa þyngst. Þannig eiga fjög­ur af hverj­um tíu sem eru á vinnu­mark­aði erfitt með að ná end­um sam­an og tveir af hverj­um tíu ör­yrkj­um búa við veru­leg­an efn­is­leg­an skort eða sára­fá­tækt.
Þórður Snær Júlíusson
Leiðari

Þórður Snær Júlíusson

Hand­bók um leið­ir til að þykj­ast sið­leg­ur ráð­herra

Á Ís­landi er við lýði reglu­verk sem á að koma í veg fyr­ir spill­ingu ráð­herra og auka traust á stjórn­sýslu. Ný­lega var gef­in út hand­bók með út­skýr­ing­um á regl­un­um með raun­hæf­um dæm­um. Raun­veru­leik­inn sýn­ir hins veg­ar að ráð­herr­ar láta þetta ekki hafa áhrif á hegð­un sína. Regl­urn­ar gilda bara þeg­ar það reyn­ir ekki á þær.
Kostnaður við árshátíð fram úr skattfrelsi: „Ekki einhver trylltur glamúr“
Viðskipti

Kostn­að­ur við árs­há­tíð fram úr skatt­frelsi: „Ekki ein­hver tryllt­ur glamúr“

Kostn­að­ur á hvern starfs­mann við árs­há­tíð Lands­virkj­un­ar fór fram úr skatt­frjáls­um kostn­aði um 34 til 230 þús­und á mann, eft­ir því hvernig á það er lit­ið, og gæti starfs­fólk­ið því þurft að greiða skatt af þeim krón­um. Lands­virkj­un ætl­ar, að sögn upp­lýs­inga­full­trúa, að fara að lög­um og regl­um um skatt­skil en gef­ur ekki uppi hvernig upp­gjör­inu er hátt­að gagn­vart starfs­fólk­inu.
Barist í bökkum velferðarsamfélags
FréttirPressa

Bar­ist í bökk­um vel­ferð­ar­sam­fé­lags

Í Pressu verð­ur fjall­að um versn­andi fjár­hags­stöðu fjölda heim­ila á Ís­landi og hvað sé til ráða. Ýms­ar kann­an­ir hafa að und­an­förnu sýnt að byrð­ar fjölda fólks hafa þyngst. Þannig eiga fjög­ur af hverj­um tíu sem eru á vinnu­mark­aði erfitt með að ná end­um sam­an og tveir af hverj­um tíu ör­yrkj­um búa við veru­leg­an efn­is­leg­an skort eða sára­fá­tækt.
Spyr ráðherra um eftirlit Sjúkratrygginga með einkarekstri í heilbrigðiskerfinu
FréttirEinkarekstur í heilbrigðiskerfinu

Spyr ráð­herra um eft­ir­lit Sjúkra­trygg­inga með einka­rekstri í heil­brigðis­kerf­inu

Will­um Þór Þórs­son heil­brigð­is­ráð­herra hef­ur stað­ið fyr­ir stór­auk­inni einka­væð­ingu í heil­brigðis­kerf­inu frá því að hann tók við starf­inu. Eft­ir­lit með þeim fjár­mun­um sem fara frá rík­inu til einka­að­ila hef­ur sam­hliða því ekki ver­ið auk­ið. Will­um Þór svar­aði spurn­ing­um um með­al ann­ars á Al­þingi um miðj­an mán­uð­inn.
Loka auglýsingu