Ég krefst þess að alþingi biðjist afsökunar á sjálftöku þingmanna eins og Ásmunds Friðrikssonar í gegnum tíðina og víki þeim af þingi.

Ég krefst þess að alþingi biðjist afsökunar á því að hafa stórlaskað trúverðugleika Landsréttar þannig að traust til dómstólsins mun aldrei bíða þess bætur.

Ég krefst þess að alþingi biðjist afsökunar á því að Sigríður Andersen sitji áfram sem dómsmálaráðherra þrátt fyrir að hafa stórskaðað Landsrétt með vina og vandamannaráðningum sínum þ.á.m. eiginkonu Brynjars Níelssonar þingmanns Sjálfstæðisflokksins en sá gat þá í kjölfarið kyngt jafnlaunavottunarælunni í þakkarskyni, mannfjandsamlegri útlendingastefnu og þætti hennar í því að reyna að þagga niður barnaperramál Sjálfstæðisflokksins.

Ég krefst þess að alþingi biðjist afsökunar á því hafa leyft ráðherrum og þingmönnum Sjálfstæðisflokksins að komast upp með þöggunartilraunir sínar gagnvart fórnarlömbum Róbert Downeys og Hjalta S. Haukssonar í stað þess að grípa til aðgerða á borð við vantraust og ákærur.

Ég krefst þess að alþingi biðjist afsökunar á fyrirlitlegri framkomu Njáls Trausta Friðbertssonar, Pawel Bartoszeks,  Hildar Sverrisdóttir og Haraldar Benediktssonar í garð fórnarlamba Róbert Downeys þegar þau gengu út af fundi stjórnskipunar- og eftirlitnefndar. Ég krefst þess einnig að alþingi biðjist afsökunar á tilraunum Áslaugar Örnu Sigurbjarnardóttir þegar hún reyndi að koma í veg fyrir að þingmenn myndu spyrja dómsmálaráðherra frekar út í mál Róbert Downeys.

Ég krefst þess að alþingi biðjist afsökuanr á þöggunartilraunum og ógeðfelldri framgöngu Brynjars Níelssonar gegn fórnarlömbum Róbert Downeys sem seinna meir kom í ljós að var vegna þess að uppreist æra barnaníðinga tengdist áhrifafólki innan Sjálfstæðisflokksins. Ég ætla þó ekki að krefjast þess að alþingi biðji afsökunar á hinum fjölmörgu fyrirlitlegu orðum og gjörðum Brynjars Níelssonar enda væri það svolítið eins og að heimta að Hollywood myndi biðjast afsökunar á Harvey Weinstein í hverju tilfelli fyrir sig.

Ég krefst þess að alþingi biðjist afsökunar á því að þingmenn álíta yfirhylmingar og þagganir Sjálfstæðisflokksins á uppreistri ærum barnaperra vera svo mikið smámál að það sé alveg réttlætanlegt að mynda ríkisstjórn með þeim.

Ég krefst þess að alþingi biðjist afsökunar fyrir að hafa leyft Bjarna Benediktssyni að komast upp með sinn þátt í barnaperramálum Sjálfstæðisflokksins, fyrir að hafa leyft honum að komast upp með að fela skýrslur sem hefðu getað haft áhrif á kosningabaráttu Sjálfstæðisflokksins, fyrir að hafa leyft honum að komast upp með að ástunda skuggalegheit í skálkaskjólum Panamaskjalanna, fyrir að hafa leyft honum að komast upp með ljóta fjármálavafninga og fyrir að hafa leyft honum að sitja áfram þrátt fyrir allskonar lygar, svindl og svínarí sem á flestum öðrum stöðum væri búið að tryggja honum algjört æruleysi innan fangelsismúra.

Ég krefst þess að alþingi biðjist afsökunar á þætti Sigmunds Davíðs Gunnlaugssonar í Panamaskjölunum og geri það á alþjóðavettvangi.

Ég krefst þess að alþingi biðjist afsökunar á framgöngu þáverandi dómsmálaráðherra, fjölmargra þingmanna og embættismanna í lekamálinu svokallaða og beini þeirri afsökun opinberlega til Tony Omos og fjölskyldu hans.

Ég krefst þess að alþingi biðjist afsökunar á því að hafa leyft tveimur mönnum að komast upp með það að gera Ísland að þáttakanda í ólöglegu innrásarstríði Bandaríkjamanna inn í Írak og ata Ísland þar með blóði fengnu með pyntingum, fjöldamorðum og slátrun á almennum borgurum. Ég krefst þess að sú afsökunarbeiðni verði send með formlegum hætti til írösku þjóðarinnar sem er sá aðili sem hefur þjáðst hvað mest fyrir þessa innrás.

Ég krefst þess að alþingi biðjist afsökunar á því að hafa látið ráðherra og embættismenn komast upp með að leyfa fangaflug CIA til og frá pyntingafangelsum í gegnum íslenska lofthelgi og einnig að hafa leyft Air Atlanta að komast upp með það að ferja vopn á átakasvæði.

Ég krefst þess að alþingi biðjist afsökunar á því að þingmennhafi  þegið mútur frá fjármálafyrirtækjum í aðdraganda Hrunsins, hafi ekkert gert til að reyna að afstýra Hruninu og þegar komið var á ögurstundu brugðist allri þjóðinni með því að sinna ekki skyldum sínum sem eftilritsvald og aðhald gagnvart ráðherrum. Ég krefst þess líka í leiðinni að alþingi biðjist afsökunar á því að hafa ekki enn þennan dag í dag hætt að vera færiband fyrir ráðherraræðið.

Ég krefst þess að alþingi biðjist afsökunar á því að hafa ollið almenningi búsifjum, atvinnuleysi og fjárhagslegum erfiðleikum með Hruninu og að hafa í staðinn lítið sem ekkert gert til að láta auðstéttina sem að stórum þætti olli hér Hruninu, borga tjónið úr sínum feitu sjóðum í skálkaskjólum skattsvikaranna.

Ég krefst þess að alþingi biðjist afsökunar á því að hafa stungið Rannsóknaskýrslu alþingis um bankahrunið ofan í skúffu og fátt eitt gert til að bregðast við í samræmi við ályktun sem 63 þingmenn samþykktu í kjölfarið.

Ég krefst þess að alþingi biðjist afsökunar á því að hafa ekki enn farið eftir niðurstöðum þjóðaratkvæðagreiðslu um stjórnarskrá og fyrir að hafa barist gegn öllum breytingum í átt að betri stjórnarskrá í staðinn fyrir danska yfirstéttarskeininn sem við sitjum uppi með.

Ég krefst þess að alþingi biðjist afsökunar á því að hafa leyft ráðherrum að einkavinavæða bankanna, Borgun, Sildarverksmiðjum Ríkisins, Landsímans, Íslenskra Aðalverktaka o.fl. í hendur góðra flokksmanna.

Ég krefst þess að alþingi biðjist afsökunar á ógnarstjórnunartímum hinnar fasísku frjálshyggju Davíðs Oddsonar og þeim hörmungum sem hann leiddi yfir íslenska þjóð í nafni dólgafrjálshyggjunnar. Ég krefst þess að alþingi biðjist sérstaklega afsökunar á Davíð Oddsonar og hegðun hans sem ráðherra og síðar Seðlabankastjóra enda hefði hann aldrei náð svona langt ef alþingi hefði ekki verið meðvirkt honum í orði sem gjörðum.

Ég krefst þess að alþingi biðjist afsökunar á því að hafa verið slefandi þjónn Samtaka Atvinnulífsins, Viðskiptaráðs, fjármálageirans og útgerðarinnar í gegnum tíðina í stríði þessara aðila gegn hagsmunum íslensks almennings. Ég krefst þess í leiðinni að alþingi biðjist afsökunar á því að hafa leyft þingmönnum að komast upp með mútuþægni í gegnum kosningastyrki prófkjara og stuðningsfélaga.

Ég krefst þess að alþingi biðjist afsökunar á ofsóknum sínum gagnvart nímenningunum í réttarsölum landsins vegna mótmæla eftir Hrun meðan það lét ekki draga t.d. Davíð Oddson og Jónas Fr. Jónsson fyrir dóm vegna stórkostlegra afglapa þeirra í starfi sem átti sinn þátt í því að efnahagskerfi íslensku þjóðarinnar hrundi.

Ég krefst þess að alþingi biðjist afsökunar á því að hafa munstrað gamla nasista og annan ofbeldisfullan óþjóðalýð til að berja á mönnum, konum og börnum á Austurvelli 1949 undir merkjum Hvítliða.

Svo þegar alþingi hefur beðist afsökunar á þessu og fjölmörgu fleira til þá getum við farið að ræða smjörklipufrumvarpið um afsökunarbeiðni til Geirs H. Haarde sem ber stórkostlega ábyrgð á því að hafa valdið hér Hruni með vanhæfni sinni, getuleysi, lygum, svikum og aumingjaskap sem skilaði íslenskum almenning atvinnuleysi, tekjumissi, húsnæðismissi og íslensku samfélagi stórkostlegum erfiðleikum sem enn er verið að vinna út úr.

En við ræðum það samt ekki fyrr en alþingi er búið að samþykkja að  20. Janúar verði gerður að frídegi til heiðurs Búsáhaldabyltingunni.

Þar til það gerist þá getur þessi ályktun um afsökunarbeiðni til Geirs beðið upp í skítugi boru Sjálfstæðisflokksins og annarra slefandi þjóna valdastéttarinnar.

Hann á heldur enga afsökun eða fyrirgefningu skilið.

Hvað þá uppreista æru.