Dótturfélög útgerðarfélagsins Samherja á Kýpur, sem meðal annars hafa haldið utan um rekstur á arðbærum útgerðum Samherja í Afríku síðastliðin tólf ár, eiga í svo miklum innbyrðis viðskiptum við önnur félög í Samherjastæðunni að þau greiða nær enga skatta á Kýpur. Ástæðan er sú að taprekstur og uppsafnað skattalegt tap félaganna er það mikið að skattgreiðslur félaganna minnka fyrir vikið. Þetta kemur fram í ársreikningum félaganna tveggja, Esju Shipping Limited og Esju Seafood Limited,  fyrir árið 2013 sem Stundin hefur undir höndum. Ársreikningarnir eru merktir í bak og fyrir „ ekki til opinberra nota“, líkt og upplýsingarnar eigi ekki og megi ekki koma fram á opinberum vettvangi.  

Á árunum 2013 og 2014 borguðu þessi tvö félög samtals 22 milljónir króna í skatt á Kýpur en voru á sama tíma með tekjur upp á meira en 12 milljarða króna. Félögin voru og eru í eigu íslensks eignarhaldsfélags sem heitir Polaris Seafood …