Enginn frambjóðandi til forseta mælist með yfir 30 prósent fylgi í fyrstu kosningaspá Heimildarinnar sem framkvæmd er vegna kosninganna sem eru fram undan 1. júní næstkomandi. Katrín Jakobsdóttir, fyrrverandi forsætisráðherra, mælist með mest fylgi, eða 29,5 prósent. Skammt á hæla hennar kemur Baldur Þórhallsson, prófessor í stjórnmálafræði, með 26,4 prósent og Jón Gnarr, fyrrverandi borgarstjóri í Reykjavík, mælist með 18,9 prósent fylgi.
Þar á eftir koma tvær konur sem heita báðar Halla. Sú yngri, Halla Hrund Logadóttir, var síðust þeirra sem mælast með fylgi sem einhverju nemur til að lýsa yfir framboði. Hún er nú í fjórða sæti með 9,2 prósent stuðning. Þar á eftir kemur Halla Tómasdóttir, sem bauð sig líka fram til forseta árið 2016. …
Athugasemdir