Fréttir

Spyr hvort Bjarni hafi brotið siðareglur

Svandís Svavarsdóttir, þingflokksformaður Vinstri grænna, hefur sent umboðsmanni Alþingis erindi og óskað eftir athugun á því hvort Bjarni Benediktsson fjármálaráðherra hafi farið á svig við siðareglur ráðherra með því að sitja á skýrslunni um aflandseignir Íslendinga.

Svandís Svavarsdóttir, þingflokksformaður Vinstri grænna, vill að kannað verði hvort Bjarni Benediktsson fjármálaráðherra hafi farið á svig við siðareglur ráðherra með því að fresta birtingu skýrslu um umfang aflandseigna Íslendinga fram yfir kosningar. 

Í c-ið 6. gr. siðareglnanna segir: Ráðherra leynir ekki upplýsingum sem varða almannahag nema lög bjóði eða almannahagsmunir krefjist þess að öðru leyti. Ráðherra ber að hafa frumkvæði að birtingu slíkra upplýsinga sé hún í almannaþágu.

Hefur Svandís sent umboðsmanni Alþingis erindi um málið, en embættið hefur meðal annars eftirlit með því hvort stjórnsýslan fari fram í samræmi við siðareglur settar á grundvelli laga um Stjórnarráð Íslands.

Svandís birtir erindi sitt á Facebook, en það hljóðar svo:

Í inngangi að gildandi siðareglum ráðherra kemur fram að ábendingum megi koma á framfæri við umboðsmann Alþingis kunni að vakna spurningar um hvort um brot á siðareglum hafi verið að ræða. Með erindi þessu er þess óskað að umboðsmaður Alþingis fjalli um hvort svo kunni að vera í því tilviki að fjármála- og efnahagsráðherra Bjarni Benediktsson ákveður að birta ekki skýrslu um aflandsfélög fyrr enn allnokkrum vikum eftir að hún lá fyrir. Þar með var skýrslunni haldið frá almenningssjónum í aðdraganda kosninga sem eins og kunnugt er snerust að verulegu leyti um skattamál og skattaundanskot. Spurningar hafa vaknað um að sú ákvörðun ráðherrans kunni að varða 6. grein c. umræddra siðareglna en þar segir: „Ráðherra leynir ekki upplýsingum sem varða almannahag nema lög bjóði eða almannahagsmunir krefjist þess að öðru leyti. Ráðherra ber að hafa frumkvæði að birtingu slíkra upplýsinga sé hún í almannaþágu.“

Virðingarfyllst,
Svandís Svavarsdóttir
formaður þingflokks
Vinstrihreyfingarinnar – græns framboðs

Þingmenn Vinstri grænna, Samfylkingarinnar og Pírata hafa gagnrýnt Bjarna Benediktsson harðlega fyrir að sitja á umræddri skýrslu í margar vikur eftir að henni var skilað.

Stundin hefur sent þingmönnum Viðreisnar og Bjartrar framtíðar fyrirspurn um afstöðu þeirra.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

NEI, við veitum ekki þessar upplýsingar

Fréttir

Þorsteinn aftur staðinn að rangfærslum – nú um málefni lífeyrisþega

Úttekt

Umsátrið um Katar

Fréttir

Telja að fólk hafi ekki kynnt sér skýrslurnar nógu vel – Benedikt: „Ég kom ekkert nálægt skýrsluvinnunni“

Úttekt

Fjársvelt samneysla og sögulegar óvinsældir

Pistill

Hvern leikur þú?

Mest lesið í vikunni

Fréttir

Slæm tíðindi af Stefáni Karli

Fréttir

Var látin afneita áföllum í áfengismeðferð

Viðtal

„Það var öskrað á mig og mér hótað“

Pistill

Borgar sig ekki að eiga íbúð

Fréttir

Vopnaðir sérsveitarmenn handtóku ölvaðan mann í miðbænum

Fréttir

Föður barnanna vísað úr landi í nótt