Fréttir

Vilja stimpilgjaldið burt og aukið flæði á húsnæðismarkaði

Í dag þurfa kaupendur fyrstu fasteignar að greiða 0,4 prósenta stimpilgjald en aðrir 0,8 prósent. Verði frumvarp 12 þingmanna Sjálfstæðisflokksins að lögum mun stimpilgjald vegna kaupa einstaklinga á íbúðarhúsnæði falla alfarið niður.

Tólf þingmenn Sjálfstæðisflokksins hafa lagt fram frumvarp um afnám stimpilgjalds vegna kaupa einstaklinga á íbúðarhúsnæði. Með þessu vilja þau „auðvelda fólki að afla sér íbúðarhúsnæðis og auka skilvirkni og flæði á markaði með það“.

Í greinargerð er bent á að í dag beri einstaklingum almennt að greiða 0,8% stimpilgjald vegna kaupa á íbúðarhúsnæði en þó sé veittur helmingsafsláttur þegar um fyrstu kaup er að ræða. „Verði frumvarpið að lögum mun gjaldið falla alfarið niður vegna kaupa einstaklinga á íbúðarhúsnæði og undanþágan verður ekki bundin við fyrstu kaup.“

Fullyrt er í frumvarpinu að sýnt þyki að stimpilgjald hafi áhrif til hækkunar fasteignaverðs, dragi úr framboði og rýri hlut kaupenda og seljenda. „Af framangreindu má ætla að afnám stimpilgjalds við fasteignaviðskipti muni auðvelda verðmyndun á húsnæðismarkaði með tilheyrandi aukningu á framboði sem hefur verið með minnsta móti undanfarin ár.“ 

Áslaug Arna Sigurbjörnsdóttir, formaður allsherjar- og menntamálanefndar, er fyrsti flutningsmaður frumvarpsins. Ásamt henni standa fyrir frumvarpinu þau Óli Björn Kárason, Hildur Sverrisdóttir, Vilhjálmur Árnason, Teitur Björn Einarsson, Vilhjálmur Bjarnason, Páll Magnússon, Njáll Trausti Friðbertsson, Valgerður Gunnarsdóttir, Ásmundur Friðriksson, Bryndís Haraldsdóttir og Brynjar Níelsson.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Pistill

Costco: Musteri græðginnar

Fréttir

Nichole vill setja stjórn yfir Landspítalann svo forstjórinn hætti að „betla pening“

Pistill

Um útskrift og útlitsdýrkun

Fréttir

Hóta að hætta nema fjármálaráðherra verði áfram formaður hollvinafélagsins

Viðtal

Neyðarópið í gilinu

Pistill

Topp 10 listi – Allar breiðskífur Metallica

Mest lesið í vikunni

Pistill

Costco: Musteri græðginnar

Fréttir

Nichole vill setja stjórn yfir Landspítalann svo forstjórinn hætti að „betla pening“

Úttekt

Menningarbylting Sjálfstæðisflokksins

Fréttir

Stefnt að fækkun lögreglumanna næstu árin

Blogg

Fordómar gagnvart ákveðnum dýrategundum

Viðtal

Fegurðin í ljótleikanum