Fréttir

„Þvílíkt ógeð!“ - Hatursorðræða eða tjáningarfrelsi?

Átta manns eru ákærðir fyrir orðræðu sína gegn samkynhneigðum í umræðu um hinsegin fræðslu skólabarna. Þeir bera við tjáningarfrelsi. Stundin gerði tilraun til að ræða við þá.

Tveir ákærðir Guðfræðingurinn Jón Valur Jensson og útvarpsmaðurinn Pétur Gunnlaugsson fyrir dómi. Pétur er bæði sakborningur í máli og svo er hann verjandi Jóns Vals. Mynd: Pressphotos

Pétur Gunnlaugsson, útvarpsmaður á Útvarp Sögu, og Jón Valur Jensson guðfræðingur eru meðal átta einstaklinga sem eru ákærðir fyrir hatursorðræðu gegn hinsegin fólki. Þeir eru ákærðir út frá hegningarlögum númer 233, grein a, sem segir: „Hver sem með háði, rógi, smánun, ógnun eða á annan hátt ræðst opinberlega á hóp manna vegna þjóðernis þeirra, litarháttar, kynþáttar eða trúarbragða sæti sektum, varðhaldi eða fangelsi allt að 2 árum.“ 

Mál Jóns Hagbarðar Knútssonar, fyrrverandi sóknarprests, Ara Hermanns Oddssonar, framkvæmdastjóra og þríþrautarkappa, Jón Vals Jenssonar, guðfræðings og bloggara, Pétur Gunnlaugssonar útvarpsmanns og eldri borgarans Carls Jóhanns Lilliendahls voru þingfest í byrjun mánaðar í Héraðsdómi Reykjavíkur. Auk þess hefur mál gegn Sveinbirni Styrmi Gunnarssyni verið þingfest fyrir Héraðsdómi Reykjaness. Tvö önnur mál bíða þingfestingar í Héraðsdómi Reykjaness síðar í desember.

Þessar ákærur brjóta blað í sögu dómstóla á Íslandi, en þetta er í fyrsta skiptið sem ákæra er lögð fram vegna hatursorðræðu gegn hinsegin fólki. Þessi hegningarlög hafa aðeins einu sinni leitt til sakfellingar, en það var í máli íslenska ríkisins gegn Hlyni Frey Vigfússyni árið 2002 vegna kynþáttaníðs. Ljóst er að hvernig sem þessi dómsmál munu fara munu þau hafa áhrif á hvernig er rætt um minnihlutahópa hér á landi á opinberum vettvangi.

Líkti samkynhneigð við barnaníð

Jón Hagbarður, fyrrverandi sóknarprestur Raufarhafnarkirkju, sagði „no komment, takk, bless,“ þegar blaðamaður hafði samband við hann um málið, en hann er ákærður fyrir að hafa ritað eftirfarandi ummæli í hópnum Barnaskjól á Facebook sem gekk út á að „stöðva innrætingu Samtakanna 78 á skólabörnum“: „Hlutlausa kynfræðslu á veita í skólum en ALDREI réttlæta ónáttúrulega kynhegðan fyrir saklausum börnum og kalla það sem er óeðlileg eðlilegt!!!“

Sveinbjörn Styrmir Gunnarsson, Hafnfirðingur, vildi sömuleiðis ekki tjá sig um ákæru sína, en hann skrifaði eftirfarandi ummæli á kommentakerfi DV um hinsegin fræðslu í grunnskólum Hafnarfjarðar: „Á nú að fara eyðileggja sakleysi barnanna að foreldrum forspurðum? Ég myndi flokka þetta undir barnanýð vera troða kynvillu í saklaus börn. Bæjarstjórn Hafnarfjarðar vinsamlegast haldið saurugum hugsunum og löngunum ykkar frá börnunum mínum.“

Skráðu þig inn til að lesa

Þú færð 4 greinar fríar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 1.190 krónum á mánuði. Leiðbeiningar má nálgast á stundin.is/leidbeiningar.

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Kærði vin sinn fyrir nauðgun en málið var fellt niður: Þetta er ekki kynlíf

Pistill

Gagnrýnir endurupptökunefnd harðlega: Villandi framsetning og falsanir teknar gildar

Fréttir

Réttindi lífeyrisþega skert með afturvirkum lögum

Fréttir

Hópur sálfræðinga og geðlækna segir Trump óhæfan í embætti

Pistill

Vinur minn Fouad

Fréttir

Þáði gjöf frá Hreyfingu og kom fram í umfjöllun þar sem þjónusta fyrirtækisins var kynnt

Mest lesið í vikunni

Viðtal

„Pabbi var nasisti“

Fréttir

Vill áfengi í búðir og efast um gildi vísindarannsókna

Pistill

Poj poj Sævar vinur minn

Fréttir

Lætur ekki undan „öllu garginu“ um Guðmundar- og Geirfinnsmál

Pistill

Íslenskir unglingar eru hættir að sukka

Fréttir

Kærði vin sinn fyrir nauðgun en málið var fellt niður: Þetta er ekki kynlíf