Fréttir

Ekki meirihluti á Alþingi fyrir grundvallarmáli ríkisstjórnarinnar

Tveir þingmenn Sjálfstæðisflokksins eiga hagsmuna að gæta í ferðaþjónustu og ætla ekki styðja fjármálaáætlun nema áform um skattahækkun á ferðaþjónustu verði endurskoðuð.

Að minnsta kosti tveir þingmenn stjórnarmeirihlutans munu ekki greiða atkvæði með fjármálaáætlun Benedikts Jóhannessonar, fjármála- og efnahagsráðherra, nema hún taki breytingum.

Þingsályktunartillagan er lögð er fram á grundvelli laga um opinber fjármál og felur í sér stefnumörkun um þróun tekna og gjalda hins opinbera næstu fimm árin. Þannig virðist sem eitt af grundvallarmálum ríkisstjórnarinnar njóti ekki stuðnings meirihlutans á Alþingi. 

Fram kom í kvöldfréttum RÚV að a.m.k. tveir þingmenn Sjálfstæðisflokksins, sem báðir tengjast fyrirtækjum í ferðaþjónustunni, ætla ekki að samþykkja fjármálaáætlunina nema áform um skattahækkanir á ferðaþjónustu verði endurskoðuð. Þetta eru þau Njáll Trausti Friðbertsson, sem er hluthafi í fyrirtæki sem leigir út orlofshús til ferðamanna á Akureyri, og Valgerður Gunnarsdóttir, en synir hennar reka gistiþjónustu á Norðurlandi.

Þrír aðrir þingmenn Sjálfstæðisflokksins hafa lýst yfir áhyggjum af hækkun virðisaukaskatts á ferðaþjónustu yfir í hið almenna þrep, en þetta eru þeir Óli Björn Kárason, Haraldur Benediktsson og Páll Magnússon. Óli, Haraldur, Páll og Valgerður eru formenn fastanefnda á Alþingi. 

„Þessar skattabreytingar eru ein megin forsendan fyrir því að fjármálaáætlun ríkistjórnarinnar standist,“ segir Logi Einarsson, formaður Samfylkingarinnar, í samtali við Stundina. „Fæstir þeirra þingmanna Sjálfstæðisflokksins sem nú leggjast gegn þeim, tóku til máls í umræðum um áætlunina og þeir sem það gerðu lýstu engum efasemdum. Þau verða að svara sjálf hvað fór að naga þau síðar.“

Hann segir ljóst að ríkisstjórnin sé í verulegum vanda. „Þau eru ekki einu sinni sammála um lykilatriði fjármálaáætlunarinnar.“

Að því er fram kemur í siðareglum Alþingismanna ber þeim skylda til að „forðast árekstra milli almannahagsmuna annars vegar og fjárhagslegra eða annarra persónulegra hagsmuna sinna eða fjölskyldu sinnar hins vegar“. Björn Valur Gíslason, varaformaður Vinstri grænna, vekur athygli á þessu í pistli á vef sínum og veltir fyrir sér hvort forseti Alþingis muni skoða málið. Þá bendir hann á að ríkisfjármálaáætlunin felur í sér grunnstefnu ríkisstjórnarinnar. „Án þeirrar áætlunar er engin stefna, engin markmið og engin ríkisstjórn. Ríkisstjórnin er því í raun fallin,“ skrifar hann.

Þá leggur Ásta Guðrún Helgadóttir, þingkona Pírata, orð í belg á Facebook. „Fjármálaáætlun er vafalaust eitt stærsta verkefni ríkisstjórnar hverju sinni - stærri en fjárlögin sjálf með tilkomu laga um opinber fjármál,“ skrifar hún og bætir við: „Ríkisstjórn sem hefur ekki tök á því að leggja fram ríkisfjármálaáætlun sem þeirra eigin þingmenn geti samþykkt getur varla talist stjórntæk ríkisstjórn með umboð frá Alþingi. Minna fúsk takk!“

Þegar fjármálaáætlun og fjármálastefna Bjarna Benediktsson var samþykkt á Alþingi í fyrra sat Eygló Harðardóttir, félags- og húsnæðismálaráðherra, hjá og gaf þá ástæðu að ekki væri hlúð nægilega að barnafjölskyldum, öldruðum og öryrkjum í áætluninni. Með þessu uppskar hún gríðarlega hörð viðbrögð frá þungavigtarfólki í Sjálfstæðisflokknum og líkti Bjarni Benediktsson framgöngu hennar við hegðun leikskólabarns. 

Athugasemdir

Allar athugasemdir eru ábyrgð á þeirra sem þær skrifa. Stundin áskilur sér rétt til að fjarlægja ærumeiðandi og óviðeigandi athugasemdir.

Mest lesið í dag

Fréttir

Misskilningur í Costco: „Þá væri kíló mun dýrara en úr venjulegri búð“

Pistill

Stoppum Sjálfstæðisflokkinn!

Fréttir

Sigríður Andersen fer gegn mati hæfisnefndar og vill skipa eiginkonu þingmanns í Landsrétt

Pistill

Blekkingarleikur heilsusvikara

Úttekt

Loftmengun í Reykjavík eins og í milljónaborgum erlendis

Pistill

Tökum lestina!

Mest lesið í vikunni

Pistill

Costco: Musteri græðginnar

Fréttir

Nichole vill setja stjórn yfir Landspítalann svo forstjórinn hætti að „betla pening“

Fréttir

Misskilningur í Costco: „Þá væri kíló mun dýrara en úr venjulegri búð“

Fréttir

Stefnt að fækkun lögreglumanna næstu árin

Blogg

Fordómar gagnvart ákveðnum dýrategundum

Pistill

Stoppum Sjálfstæðisflokkinn!