Þessi grein birtist upphaflega í Stundinni fyrir meira en 7 árum.

Spurt & svarað Alþingiskosningar 2016

„Ég vil ekki skattleggja fátækt“

Inga Sæland, formaður Flokks fólksins, fór út í stjórnmál til að berjast gegn mismunun, óréttlæti, lögleysu og fátækt.

26. október 2016 19:00

Áslaug Karen Jóhannsdóttir

ritstjorn@heimildin.is

Inga Sæland, formaður Flokks fólksins, segir það mesta ranglæti samfélagsins í dag að hér skuli vera fátæk börn sem ekki fái að njóta æskunnar. „Að hér skulu vera einstaklingar sem líða það mikinn skort að heilbrigðisþjónusta, lyf og matur flokkist orðið til forréttinda að fá að njóta,“ segir hún.

Fimm stærstu stefnumál Flokks fólksins:

1. Öryrkjum og eldri borgurum verði tryggð mannsæmandi afkoma svo þau geti lifað með reisn. Grunngildi 76. gr. stjórnarskrár lýðveldisins Íslands nr. 33/1944 verði virt í hvívetna. Flokkur fólksins vill afnema allar skerðingar greiðslna almannatrygginga og lífeyrissjóða til einstaklinga og að vinna eldri borgara og öryrkja verði aftengd skerðingum.

2. Að börnum verði tryggð sú vernd sem 3. mgr. 76. gr. stjskr. veitir þeim en þar segir „Börnum skal tryggð í lögum sú vernd og umönnun sem velferð þeirra krefst“.
Flokkur fólksins vill að öllum börnum verði tryggður gjaldfrjáls og hollur matur í grunnskólum og leikskólum, ekkert barn á nokkurn tímann að vera svangt á Íslandi vegna fátæktar. Flokkur fólksins boðar áherslubreytingar í kennsluháttum. Helst eru það fjórir þættir sem við teljum að þurfi að færa inn í kennsluna strax á fyrstu stigum skólagöngunnar.

1. Sjálfsstyrking (í anda Dale Carnegie).
2. Mannleg samskipti, virðing og kærleikur.
3. Fjármálalæsi.
4. Ef barn eða unglingur hefur markað sér sýn á eitthvað ákveðið sem hann/hún vill stefna að í framtíðinni, þá að veita hverjum og einum persónusniðna þjónustu sem miðar að því að viðkomandi geti fengið að vinna í skólanum nákvæmlega við það sem hugurinn stefnir, með því móti er mun líklegra að einstaklingurinn rati inn á þá braut sem í framtíðinni mun veita honum gleði og hamingju í starfi.

3. Að ungu fólki sé tryggður grundvöllur til heimilisstofnunar og að námslán fái leiðréttingu í samræmi við aðrar skuldaleiðréttingar.

Flokkur fólksins vill afnema verðtryggingu og keyra niður okurvexti þannig að þeir verði ekki hærri en best þekkist í löndunum í kringum okkur. Með því móti mun ungu fólki sem öðrum sem þess þurfa, gert kleift að eignast eigið húsnæði. 30.000 Íslendingar hafa yfirgefið landið okkar í leit að betri lífsgæðum. Flokkur Fólksins vill berjast af alefli fyrir því að kalla mannauðinn okkar heim.

4. Að afnema skattlagningu á fátækt.
Grunnframfærsla verði ekki lægri en 300.000 krónur.
Flokkur Fólksins vill tryggja 300 þúsund króna lágmarks framfærslu. Flokkur Fólksins vill stokka spilin upp á nýtt og telur að þau hafi verið ranglega gefin þar sem þegnunum hefur verið stórlega mismunað. Flokkur Fólksins mun sækja aukið fjármagn í sameiginlegan sjóð okkar með því m.a að afnema allar undanþágur er varða virðisaukaskattskerfið. Við mótmælum allri mismunun.

5. Fiskveiðistjórnunarkerfið verður endurskoðað og það tryggt að fullt verð fáist fyrir aðgang að auðlindinni.
Flokkur fólksins vill að allur fiskur fari á markað. Veiðiheimildir verði afskrifaðar um 5% á ári, sem boðnar verða upp árlega. Aukning á aflaheimildum verði boðin út annars vegar til strandveiða og hins vegar til úthafsveiða. Flokkur Fólksins vill frjálsar strandveiðar smábáta að fjórum tonnum.

Flokkur fólksins er nýr stjórnmálaflokkur og á heimasíðu hans segir að hann muni berjast af hugsjón fyrir þá sem hafa orðið fyrir óréttlæti, mismunun, lögleysu og fátækt. Þá segir að flokkurinn hafi verið stofnaður í kjölfar umfjöllunar um fátæk börn en flokkurinn ætlar að útrýma fátækt og spillingu. Inga er sjálf 75 prósent öryrki, en á meðal stefnumála er að tryggja öllum 300 þúsund lágmarks framfærslu, afnám verðtryggingar, einn ríkisrekinn lífeyrissjóð, hækka virðisaukaskatt af ferðaþjónustu og fækka erlendum sendiráðum. Flokkurinn er á móti Evrópusambandsaðild og þá vill hann að Reykjavíkurflugvöllur verði áfram í Vatnsmýrinni.

Fyrsta þingmálið sem Flokkur fólksins myndi leggja fyrir Alþingi

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Alþingiskosningar 2016

Greining

Saga sáttarstjórnar Katrínar Jakobsdóttur

Ríkisstjórn Katrínar Jakobsdóttur er eina þriggja flokka ríkisstjórnin til þess að lifa af heilt kjörtímabil. Ríkisstjórn þessi varð til í stormi stjórnmála og hún boðaði stöðugleika en spurningin er hvort hennar verður minnst sem stjórn stöðugleika eða sem stjórn málamiðlunar.

Fréttir

„Drullusama“ þótt stjórnmálamenn séu ranglega titlaðir skipulagsfræðingar eða stærðfræðingar

Helgi Hrafn setur gagnrýni á kollega sína í samhengi við umræðu um hvernig Sigmundur Davíð var titlaður doktor í skipulagsfræðum án þess að hann hefði lokið prófi.

PistillAlþingiskosningar 2016

Hallgrímur Helgason

Tröllin bakvið tjöldin

Hallgrímur Helgason um stjórnarslitin, leikrit íslenskra stjórnmála, gömlu tröllin og hagsmunina sem ráða öllu.

Fréttir

Fjölmiðlaeigendur styrktu Viðreisn um samtals tvær milljónir

Hluthafar í Hringbraut, Fréttatímanum sáluga og Kjarnanum styrktu Viðreisn á stofnári flokksins.

Fréttir

Benedikt fundaði með styrkveitendum Viðreisnar í miðjum stjórnarmyndunarviðræðum

Formaður Viðreisnar hitti forstjóra Brims og HB Granda og fundaði með þeim um sjávarútvegsmál daginn áður en hann átti frumkvæði að því að stjórnarmyndunarviðræðum við Vinstri græn, Pírata og Samfylkingu var slitið. Útgerðarfélögin veittu Viðreisn veglega styrki.

FréttirAlþingiskosningar 2016

Þingmaður Bjartrar framtíðar komin með 2,3 milljónir í laun sem kjörinn fulltrúi

Theodóra S. Þorsteinsdóttir, þingflokksformaður Bjartrar framtíðar, fær greitt fyrir tvö full störf sem kjörinn fulltrúi. Hún ætlar að draga úr, en halda áfram sem bæjarfulltrúi samhliða starfi þingmanns.