Þessi færsla er meira en 8 ára gömul.
Af hverju svíkur þú mig Björk!?
Ég er forfallinn aðdáandi tónlistarkonunnar Bjarkar Guðmundsdóttur. Ég get gengið að vísu lagi með henni við hverri einustu tilfinningu sem góð tónlist lagar, bætir, ýkir og mýkir
Ég ligg á stofugólfinu og hlusta með öllum líkamanum á Bachellorette. Ef mig langar að fá horn og hala hlusta ég á Debut og Post. Ég hef þrifið íbúðina mína dansandi um á naríunum við undirleik Bjarkar og Vulnicura kallar fram mjúka Heiðu, sem sumir sem þekkja mig hafa ekki einu sinni hitt.
Tónlist Bjarkar fær veröldina mína til að tikka betur.
Ég fæ ennþá gæsahúð þegar ég rifja upp móment í Laugardalshöllinni á Homogenic tónleikum Bjarkar.
Dóttir mín gaf mér í afmælisgjöf tónleikaferð á Björk í Hörpu í nóvember.
Mig hefur hlakkað til á hverjum degi að deila nýrri Bjarkar-tónlistarminningu með dóttur minni í Hörpu. Ég sá fyrir mér að þetta yrði enn ein minningin sem við ættum saman og gætum yljað okkur við þegar ég væri komin með prjónadót í ruggustól.
Ég hef hlustað á Vulnicura og reynt að finna út hvar gæsahúðamómentin munu koma á tónleikum.
Ég hef hlustað á Vulnicura og þakkað Björk í hljóði...og stundum upphátt, fyrir að koma heim og halda tónleika. Sem mér hefur stundum fundist eins og þessir tónleikar væru bara fyrir mig
Nú er búið að blása þá af og mér líður eins og uppáhalds listamaðurinn minn hafi svikið mig. Persónulega.
Nú bíð ég bara eftir því að hún hætti við að hætta við.
Það hlýtur að gerast?
Í góðum heimi myndi það gerast. Ég hinkra bara.
Fleiri færslur frá höfundi
Hvar varst þú?
Það er þekkja allir einhverja stóratburði í samtímasögunni sem höfðu svo mikil áhrif að þeir muna nákvæmlega hvar þeir voru og hvernig þeim leið þegar fregnir bárust. Þekktasta dæmið er líklega þegar Kennedy var skotinn. Fyrir okkur er það líklega árásin á World Trade Center turnanna. Fyrir mig er það mómentið sem ég hætti að vera meðvitundarlaus og áttaði mig...
Okkar eigið Trump-Klan
Á DV birtist frétt á dögunum um íbúafund á Kjalarnesi. Sem ætti ekki að vera neitt merkilegt. Íbúar á Kjalarnesi hafa áhyggjur af börnunum sínum og maður skyldi ætla að það væri sjálfsagt að funda um það. En þessi tiltekni íbúafundur endurspeglar vel á hvaða vegferð við erum og sú vegferð er ekki bara vond. Hún er hættuleg og henni...
Kjallaraíbúð, rauðamöl, léreftstuskur og barn
Þessi blaðsíða úr Morgunblaðinu frá því 18.mars 1964 er svo sem ekkert merkileg fyrir aðra en mig. Rauðamölin sem Vörubílastöðin Þróttur var að auglýsa til sölu er væntanlega löngu seld og léreftstuskurnar sem þeim í Ísafold vantaði löngu gleymdar. Íbúðir fundnar og farnar. En þarna er samt ein lítil auglýsing sem tengist mér og mér þykir afskaplega vænt um....
Áttu pening?
Á meðan við bíðum eftir því að hæstvirt ráðherranefnd ákveði hvað við höfum pláss fyrir marga Sýrlendinga í landi allsnægtanna þá er ýmislegt sem við getum gert. Hjálparsamtök eins og Unicef og Rauði krossinn taka á móti aðstoða alla daga allan daginn. En svo eru líka Íslendingar í sjálfboðastarfi á nokkrum stöðum þar sem neyðin er hvað mest eins og...
Athugasemdir