Þessi færsla er meira en 7 ára gömul.
Gull og grænir skógar í boði LOFORÐAFLOKKSINS
Kæri lesandi og kjósandi.
Mig langar fyrir hönd Loforðaflokksins að kaupa þig núna rétt fyrir kosningar og þar með þitt atkvæði. Það sem ég býð þér er eftirfarandi:
Enga skatta á öll laun.
Ókeypis heilsugæslu, heilbrigðisþjónustu og öldrunarþjónustu
Rosalega flottan lífeyri, svo þú getir lifað eins og greifi síðustu árin - innifalið; ókeypis jarðarför að æviskeiði loknu, að sjálfsögðu með blómum, krönsum og erfidrykku á kostnað ríkisins.
Frítt í bíó og út að borða á veitingastað að eigin vali einu sinni í mánuði.
Ókeypis utanlandsferð að eigin vali einu sinni á ári.
Öll lyf ókeypis.
Endurreisn Sædýrasafnsins, með alvöru öpum, ljónum og tígrísdýrum, sem ekki eru útúr-stressuð og grýta ekki skít í gestina (aðallega aparnir þó).
Ókeypis menntun, frá leikskóla og upp úr!
Lágmarkslaun = 500.000 á mánuði. Súper lága vexti og enga verðtryggingu, 24 mánaða fæðingarorlof, sem foreldrar ráða hvernig þeir skipta á milli sín.
Fría áskrift að öllum sportpökkum sjónvarpstöðvanna. Og barnaefni fyrir börnin - að sjálfsögðu!
Burt með alla helv... útlendinga, þeir geta bara hangið í sinni eymd heima hjá sér, okkur er sko alveg drullusama um það hvernig þeim farnast. Stríð í Sýrlandi - so what!
Við vitum ekkert hvernig við ætlum að fjármagna þetta, en það skiptir engu andsk.... máli.
Það sem skiptir okkur máli er að lofa gulli og grænum skógum, þannig að þú verðir svo "high" af loforðavímunni að þú merkir ósjálfrátt við X-Y í kjörklefanum.
Með okkur í Loforðaflokknum, verður líf þitt áhyggjulaus dans á rósum og þegar þú ert einu sinni búinn að kjósa loforðaflokkinn - þá muntu ALDREI kjósa neitt annað.Það er okkar markmið og hamingja þín er í okkar boði.
Okkur í Loforðaflokknum langar svo bara sjúklega mikið í öll völdin í landinu, að okkur er alvega nákvæmlega sama hvað við þurfum að segja til þess að fá atkvæði þitt og aðganginn að kjötkötlunum - tilgangurinn helgar meðalið. Heiðarleiki er lummó! Ekki vera asni og pæla í hinum flokkunum - kjóstu okkur og lifðu í vellystingum það sem eftir er. Þú munt ekki sjá eftir því. Við LOFUM!
Höfundur er í 3ja sæti Dögunar í Suðvesturkjördæmi og vill taka það fram að DÖGUN hefur EKKERT með Loforðaflokkinn að gera og að DÖGUN stundar ekki loforðasukk.
Fleiri færslur frá höfundi
Ófriðarský
Sagan segir að á þessum degi, 11/11, kl. 11.11 árið 1918 hafi síðustu skotunum í fyrri heimsstyrjöld verið skotið og þá hafi tekið gildi vopnahlé, sem þýddi endalok þeirrar slátrunar sem þetta skelfilega stríð var. Aldrei hafði mannkynið séð aðra eins ,,skilvirkni“ i slátrun á fólki. Vélbyssur, eiturgas, fallbyssur og sprengjur, sem ,,sprengdu“ alla skala. Ef það er eitt orð sem lýsir þessu stríði...
Úkraína og baráttuvilji Vesturveldanna
Á tímum þess sem kallaðist ,,Kalda stríðið" og stóð frá árunum 1945-1991 um það bil, voru háð nokkur stríð þar sem risaveldin, Bandaríkin og Sovétríkin (1922-1991) háðu grimmilega baráttu um forræðið í heiminum. Skyldi heimurinn vera kapítalískur með ,,Kanann" sem leiðtoga eða kommúnískur undir stjórn Rússa/Sovétríkjanna? Eitt þessara stríða var Víetnam-stríðið en um þessar mundir eru einmitt liðin um 55...
Hungurleikar Pútíns grimma
Sá atburður sem mun líma árið 2022 í minni mannkyns er innrás og stríð Vladimírs Pútíns gegn Úkraínu. Árásarstríð sem ,,keisarinn“ í Kreml (Pútín forseti ræður nánast öllu í Rússlandi), hóf þann 24. febrúar á þessu ári og sendi þar með her sinn, sem sagður var á ,,æfingu“, til innrásar á helstu vinaþjóð Rússa. Lítið er um vinaþel, eins og...
Brúin í Mostar - öfgar og skautun
Hinn 9.nóvember er mjög sögulegur dagur, Berlínarmúrinn féll þennan dag árið 1989 og árið 1799 tók Napóleón Bonaparte völdin í Frakklandi. Þar með hófst nýr kafli í sögu Evrópu. Árið 1923 framkvæmdi svo náunginn Adolf Hitler sína Bjórkjallarauppreisn í Þýskalandi, en hún misheppnaðist. Adolf var dæmdur í fangelsi en notaði tímann þægilega til að skrifa Mein Kampf, Barátta mín. Kristalnóttina árið 1938 bar einnig upp á þennan dag, en...
Athugasemdir