Þjóðstjórn á styrjaldartímum
Eftirfarandi var haft eftir formanni Vg:
-Katrín Jakobsdóttir, formaður VG, segir ljóst að engin augljós lausn sé í sjónmáli um myndun nýrrar ríkisstjórnar. Þing kemur saman í næstu viku en hvorki gengur né rekur fyrir flokkanna sjö að ná saman meirihluta. Katrín segir að hugsanlega þurfi flokkarnir að hugsa út fyrir rammann - ekki sé hægt að útiloka myndun breiðrar þjóðstjórnar ef þeir sjá ekki fram úr þessu.(ruv.is)-
Hér er vísað í þjóðstjórnarmódelið sem aðeins einu sinni hefur verið reynt á Íslandi.
-Þjóðstjórn er ríkisstjórn sem mynduð er með aðild allra eða flestra þeirra stjórnmálaflokka sem fulltrúa eiga á löggjafarþingi. Slíkar stjórnir eru yfirleitt myndaðar þegar alvarlegt kreppuástand eða stríðsástand ríkir og tryggja þarf stöðugleika. Samkvæmt skilgreiningu eru þjóðstjórnir því meirihlutastjórnir.
Á Íslandi hefur einu sinni verið mynduð þjóðstjórn, Þjóðstjórnin þann 17. apríl 1939, með þátttöku Framsóknarflokks, Alþýðuflokks og Sjálfstæðisflokks undir forsæti Hermanns Jónassonar. Ástæðan var yfirvofandi styrjöld í Evrópu. (Wikipedia)
Í fyrsta lagi þá er ekki yfirvofandi kreppa né styrjöld á okkar veraldarsvæði og í öðru lagi þá er fróðlegt að skoða samsetningu þessarar þjóðstjórnar. Skoðum það í ljósi úrslit alþingiskosninga 1937:
Landið 1937 úrslit
Hlutfall Þingm.
Sjálfstæðisflokkur 41,31% 17
Framsóknarflokkur 24,92% 19
Alþýðuflokkur 18,98% 8 alls 44 þingmenn í þjóðstjórn
Kommúnistaflokkur 8,44% 3
Bændaflokkur 6,13% 2
49
(https://kosningasaga.wordpress.com/althingiskosningar/kjordaemaskipan-1959/allt-landid/landid-1937/)
Á þessu sést að fimm þingmennn voru ekki með í þjóðstjórninni, það er kommúnistar sem voru nýi flokkurinn á þingi og Bændaflokkurinn klofningur frá Framsóknarflokksins.
Miðað við stjórnmyndunardans dagsins í dag er þetta ekki kostur.
Þú giftir ekki pör þegar bæði segja nei.
Athugasemdir